Han har difor invitert alle medlemmene til å møtast i Ørsta i dag. Dit kjem også fylkesleiar Bjørn Ruset i Arbeidarpartiet.
Det er ikkje klart om fleire frå fylket er sakna, men NRK har informasjon om at minst ein AUF-ar frå Møre og Romsdal er skadd:
Samtale
Petter Bjørdal seier til NRK at når slike ting skjer, må ein prate saman.
– Av erfaring veit eg at det er viktig med informasjon, omsorg og ei skulder å gråte på når slike ting skjer, seier han.
– Kva konkret vil skje på møtet?
– Vi vil gi den informasjonen vi har om AUF-arar frå Ørsta. Eg og partileiaren i Møre og Romsdal Bjørn Inge Ruset vil informere. Det same vil politiet, seier Bjørdal.
Mange tekstmeldingar
Bjørdal seier han har fått svært mange tekstmeldingar og telefonar i går og i dag.
– Folk reagerer med sinne, vantru. Dei blir oppgitt over at noko som dette kan hende i eit så fredeleg land som Noreg trass alt er, seier Bjørdal.
Les:
Tar seg av familien
Ein mann i midten av 20-åra frå Sula er også sakna. Det stadfestar Torunn Veddeng som er leiar i kriseteamet i kommunen.
– Førebels kan vi ikkje gjere anna enn å ta vare på familien, og vente. Vi veit ikkje noko anna enn at han er sakna, seier Veddeng til NRK.
Les også: