Det var under landsmøtet for Politiets Fellesforbund (PF) torsdag, at politiet vedtok å gå inn for eit fullt væpna politi i Noreg.
- LES OGSÅ:
- LES OGSÅ:
Sist gang saka blei diskutert av regjeringa og Stortinget, var både regjering og eit samla Storting mot at politiet skulle ha våpen på kroppen.
– Men eg har merka meg vedtaket, samt den grundige og gode debatten rundt spørsmålet, seier Grete Faremo til NRK.no.
Justis- og beredskapsministeren er klar på at spørsmålet no må takast opp.
Ueinig i at kravet kjem som følgje av låg bemanning
Grete Faremo fortalte på landsmøtet til PF at regjeringa skulle byrje med politianalyse.
Foto: Peter Talos / NTB scanpix– Vi må gå inn i spørsmålet, slår Faremo fast.
– Mange meiner kravet kjem som følgje av dårleg bemanning rundtom i landet?
– Det er ueinig i. Vi har løysingar med såkalla framskott lagring av våpen i tenestebilar. No har i tillegg politidirektøren lagt fram ei moglegheit til å bruke tenestebilane i UP, for å sikre dekning på landsbasis.
Faremo meiner fleire viktige spørsmål må vegast når væpna politi skal diskuterast.
– Sikkerheita til tenestemennene og kva som gir best tenesteløysing, nemner ho.
Saka held fram under bildet.
Arne Johannessen var mot eit væpna norsk politi. På landsmøtet blei han derimot nedstemt.
Foto: Remi Sagen / NRKPF-leiaren snudde
Under landsmøtet stemte 71 for væpna politi, medan 53 stemte mot. Attvalt leiar for Politiets Fellesforbund, Arne Johannessen, var eigentleg mot.
– Eg har sagt det i den offentlege debatten sidan NOKAS-ranet. På eitt eller anna tidspunkt blir norsk politi væpna, men eg håper det blir ei stund til, sa han frå talarstolen.
Debatten gjekk, og mannen bak forslaget, Sigve Bolstad, sa det klart og tydeleg:
– Væpna norsk politi: Hyggjeleg? Nei. Nødvendig? Ja, sa Bolstad, som er nestleiar i Politiets Fellesforbund.
Og når Johannessen var i mindretal var han klar på at han som leiar skal kjempe for fleirtalet.
– Som forbundsleiar har eg éin ting å gjere, og det er å kjempe for fleirtalet sitt syn. Og det er å kjempe for eit væpna norsk politi, slo han fast.
Saka held fram under videoen.
Arne Johannessen var negativ vil væpna politi først, men snudde då fleirtalet var for.
– Terskelen for bruk skal vere høg
Sigve Bolstad, som fremja forslaget, meiner fleirtalet no har blitt høyrt.
– Vi er tekne på alvor. Framover vil dette seie eit klart standpunkt i PF, som må takast på alvor.
– Forhåpentlegvis blir det løfta opp på eit høgre nivå, slik at vi får fortgang i saka, seier Bolstad.
Nestleiaren er klar, noko leiar Johannessen òg er:
– Det er ingenting som tilseier at det blir meir maktbruk eller våpenbruk får politiet sjølv om dei har våpenet på hofta. Terskelen for å bruke våpenet skal vere høg, seier Johannessen til NTB.
