Det er problemet med å bli kvitt septiken frå bubilane som er årsaka til skepsisen mot bubilturistane. Førebels er der ikkje eigna tøymeplassar for slik kloakk, og skit, urin og kjemikaliar hamnar i naturen. I einskilde høve skal toalett på kioskar og kafear i området ha blitt tilgrisa.
- Les også:
– Statens vegvesen har ein policy om at vi ikkje skal forby camping og parkering for bestemte trafikantgrupper på rasteplassar, seier Grete Kongshaug. Ho er ansvarleg for Nasjonal turistveg Atlanterhavsvegen i Statens vegvesen.
- Les også:
Statens vegvesen må nemleg ta omsyn til fleire trafikantgrupper. Køyre- og kviletidsreglar veg tungt. Det må vere mogleg for langtransportsjåførar å kvile ut på rasteplassar.
– Vi taklar denne saka best ved å setje opp informasjonsskilt der vi oppmodar dei besøkjande om å bruke lokale campingplassar, seier Kongshaug. Skilta er allereie klare, men blei ikkje sett opp før sommaren på grunn av ei misforståing, seier ho.
- Les også:
- Les også:
Grete Kongshaug opnar no for at Statens vegvesen kan vere villig til å drøfte eit forbod, slik ordførarane har bede om.
– Vi får drøfte ulike løysingar. Det kan vere mogleg med eit forbod, men då må dette vedtakast i forhold til vegtrafikklova. Men i utgangspunktet skal det ikkje vere forbodsskilt på desse rasteplassane, seier Kongshaug.
