Det er statsadvokaten i Møre og Romsdal som har tatt ut tiltalen mot den no 17 år gamle guten.
I februar i fjor skal han ha angripe læraren sin medan ho underviste og tatt kvelartak på henne.
Øyvind Panzer Iversen, som representerer guten, seier han nettopp har fått vite at han er oppnemnd som forsvarar, og difor ikkje har snakka med klienten sin.
Det er Suzanne Molund som er aktor i saka. Ho vil ikkje kommentere saka, og viser til at tiltalen omfattar ein person med ung alder.
Det vil heller ikkje læraren. Også rektoren ved den aktuelle ungdomsskulen viser til teieplikta.
Saka skal opp i Romsdal tingrett 17. mars.