Spektrum x 10

Karpe tar over Spektrum i ein heil månad i august 2021. – Nå planlegg vi det største vi nokosinne har gjort.

Karpe Diem i Oslo Spektrum

I SPEKTRUM: Karpe fylte Spektrum tre gonger i 2017 med prosjektet «Heisann Montebello».

Foto: Kim Erlandsen / NRK P3

Chirag og Magdi i rapgruppa Karpe er kjent for sine ambisiøse prosjekt. I 2017 fylte dei Oslo Spektrum tre gonger som ein del av prosjektet «Heisann Montebello», som seinare blei kinofilm.

Les også: Karpe Diem solgte ut to av tre konserter på under én time

I fjor slapp dei eit 29 minutt langt rap-høyrespel.

Dei har erta med eit prosjekt i sosiale medium i fleire veker. I dag lanserer rapgruppa det som skal vera deira neste og største prosjekt til nå.

Sist Karpe booka Spektrum blei to av dei tre konsertane utselt på under ein time.

Ti datoar i 2021

Karpe varsler hele 10 konserter i Spektrum i Oslo.

TI KONSERTAR: Karpe varslar heile 10 konsertar i Spektrum i Oslo.

– Nå planlegg vi det største vi nokosinne har gjort. Ein månad i Oslo Spektrum med ti shows, seier Magdi Omar Ytreeide Abdelmaguid til NRK.

– Av den gjengen som kjem dit, kjem vi til å plukke ut 100 personar som får den mest intime opplevinga i Skien.

I tillegg til dei ti konsertane i Spektrum skal Karpe altså halde fem intimkonsertar med plass til 20 personar på kvar konsert.

– Har de blitt stormannsgale?

– Nei det får tida vise. Vi liker ideen med å gjere store show i Spektrum. Men så skal vi også gjere det meste intime vi nokosinne har gjort med konsertar med 20 menneske per kveld, det er ikkje så veldig stormannsgalskap. seier Chirag Rashmikant Patel.

Karpe Diem

RAPDUO: Magdi Omar Ytreeide Abdelmaguid og Chirag Rashmikant Patel utgjer gruppa Karpe, tidlegare Karpe Diem.

Foto: Magnus Lutnæs Aas / NRK

– Det handlar om å utfordre seg sjølve, ved å gjere noko så kontrastfylt som det. Så står att det å sjå om vi klarer å få det til, seier Chirag.

– Det er mykje meir morosamt å dra det ut til det ekstreme enn konsertar som er sånn midt i mellom.

Vil bygge den råaste produksjonen i Spektrum

– Har det blitt viktig for dykk å dra det ut i det ekstreme?

– Vi kjeder oss veldig fort, seier Magdi.

– Ja, han kjeder seg veldig fort, eg er berre med, Seier Chirag.

– Har de planar om å gje ut musikk i forbindelse med dette?

– Dette er det einaste vi skal jobbe med dei neste åra. Så meir musikk håper vi at vi kan mose ut av dei små hovuda våre, seier Chirag.

– Er dette eit forsøk på å sette ein rekord?

– Nei det handlar berre om kva moglegheiter du har. Viss vi har ein månad i Spektrum, så kan vi bygge den råaste produksjonen nokosinne.

Kulturstrøm

  • Savner fysiske plater

    – Vi vet at den kommer ikke til å nå like langt ut som de tidligere platene, som var fysiske. Men når vi er i studio, er vi like ambisiøse. Gleden ved å skape er like stor som før. Det sier Lars Lillo-Stenberg til Kulturstripa om å lage sitt 18. album sammen med deLillos, «Dum som et menneske».

    deLillos på Norwegian Wood
  • Ler når ingen andre ler

    For komiker Martin Beyer-Olsen er det de bitte små observasjonene som får ham til å le mens andre er stille. Det forteller han til Kulturstripa. Komikeren fikk hele to priser da Humorprisen ble delt ut for andre år på rad. Den ene for humorprogrammet «Strømmeland». Den andre for podkasten «Berrum & Beyer snakker om greier».

    Martin Beyer-Olsen, Underholdningsavdelingen
  • Kulturprofil nektar straffskyld

    Kulturprofilen som er tiltalen for ti overgrep mot ni forskjellige kvinner, og å ha hatt seksuell omgang med ei jente under 16 år, nektar straffskyld på alle tiltalepunkt. Det blei klart då tiltalen blei lest opp i Oslo tingrett tysdag.