Rekordstrøymer norsk musikk i utlandet

Tre fjerdedelar av dei som strøymer norsk musikk bur utanfor landegrensene. Norge er på 20.-plass over nasjonalitetar som blir mest strøyma i verda.

Kygo

STRØYME-KONGE: Kygo er strøyma over ein milliard gonger på Spotify så langt i år.

Foto: Kim Erlandsen / NRK P3

Bergensartisten Kygo, åleine, er strøyma over ein milliard gonger på Spotify så langt i år. Men det er ikkje berre han som har hatt suksess i 2016.

Alan Walker

1500%: 2016 har vore eit rekordår også for artisten Alan Walker.

Foto: Grøtt, Vegard Wivestad / NTB scanpix

For Alan Walker auka strøymetalet med nesten 1500 prosent. 2016 er eit rekordår for norsk musikk internasjonalt, med ei markant auke i strøymetal, viser tal frå Spotify.

LES OGSÅ: Høyt på listen over verdens beste DJer

LES OGSÅ: Alan Walker droppar maska

Musikkmeldar i VG, Sandeep Singh, trur den internasjonale marknaden ser til Noreg for eit annleis og særeige sound.

– Vi har ein skandinavisk identitet med den kjølige elektronikaen, som nesten er litt stereotypisk. Utlandet elskar artistar som Astrid S og Aurora, seier Sandeep Singh.

astrid s

ELSKA I UTLANDET: Artisten Astrid S har ein skandinavisk identitet som er godt likt i utlandet, meiner musikkritikar.

Foto: Tom Øverlie/NRK

Norge tidleg ute

Bransjeorganisasjonen Music Norway meiner Norden var såpass tidleg ute med strøyming, at det kan ha gitt norske artistar ein fordel.

– Det at vi strøymer så mykje gjer at vi blir synlege på internasjonale spelelister og digitale plattformer, seier Kathrine Synnes Finnskog, direktør i Music Norway.

Men det er ikkje berre dei store EDM-artistane og hitmakarane som står for dei høge norske strøymetala.

– 750 000 amerikanarar lyttar til norsk black metal, seier bransjedirektøren.

Den norske jazzen er også populær i utlandet. Og artistar som Todd Terje har leia ei bølge av norsk elektronika ut i verda. Synnes Finnskog trur årsaka er samansett.

Kathrine Synnes Finnskog

BRANSJE: Kathrine Synnes Finnskog, direktør i Music Norway, meiner det er samansett at Norge scorar høgt på strøyming internasjonalt.

Foto: ILJA C. HENDEL FOTOGRAF/ / © Ilja C. Hendel

– Vi har vore flinke digitalt, vi har gode musikkprodusentar og låtskrivarar og vi har hatt nokre store kommersielle hits. Dette bidreg til at ein får lyst å sjå til Norge, meiner Synnes Finnskog.

Berre det siste året har Music Norway opplevd at internasjonale aktørar i større grad snusar på kva som føregår her oppe. Kritikar Sandeep Singh trur den norske musikksuksessen kjem til å halde fram.

– Vi har ikkje nådd toppen ennå. Kygo og Cashmere Cat er berre starten, seier Singh.

Kulturstrøm

  • Buddyprisen til Ståle Storløkken

    Jazzmusikeren Ståle Storløkken (50) ble lørdag tildelt norsk jazz' høyeste utmerkelse, Buddyprisen, for 2019. – En pioner innenfor sitt felt, sier juryen. Storløkken er pianist, organist, keyboardist og komponist. (NTB)

    Ståle Storløkken på Molde Jazzfestival
    Foto: Vidar Ruud / NTB Scanpix
  • Nye Ibsen-bibliotek tegnet

    Japanske Kengo Kuma med «Trekrone» (bildet) og danske Schmidt Hammer Lassens «Foranderlige perspektiver» er de to arkitektforslagene som er videre i konkurranse om Ibsen-bibliotek. Planen er at Ibsen-biblioteket åpner før 200-årsjubileet for Henrik Ibsens fødsel i 2028.

    Trekrone, forslaget til Ibsen-bibliotek tegnet av japanske Kengo Kuma og MAD Arkitekter i Norge.
    Foto: Kengo Kuma/MAD