NRK Meny
Normal

Norsk-britisk fiolinkomet i Vogue

Charlie Siem byggjer opp fiolinistkarrieren på uvanlege arenaer. Motebladet Vogue og Lady Gaga er mellom dei som har fått opp augene og øyrene for virtuosen, som i desse dagar gir ut sitt tredje album.

Charlie Siem

Charlie Siems nye album inneheld mellom anna ein av dei mest populære fiolinkonsertane, Max Bruchs fiolinkonsert nr. 1.

Foto: Presse

Det vekte oppsikt då Charlie Siem sist veke lanserte albumet med ein konsert i Apple Store i Covent Garden i London. Butikken er verdas største Apple Store, og inviterte den norsk-britiske 25-åringen til å halde konsert midt i lokalet.

Det nye albumet, med musikk av Max Bruch, Henryk Wienawski og Siems fjerne slektning Ole Bull, vart også vekas album i radiostasjonen Classic FM.

Høyr frå det nye albumet til Charlie Siem og London Symfoniorkester:

Fotografert av Bryan Adams

Det er på ingen måte tilfeldig at Vogue har laga reportasje i det britiske septembernummeret av bladet og videosak på Vogue.com om den over snittet stilige fiolinisten. Siem har nemleg ein parallell karriere som fotomodell, mellom anna som frontfigur for luksusvareprodusenten Dunhills vårkampanje.

Allereie i 2009 vart Siem avbilda i den italienske utgåva av Vogue. Biletet var teke av den canadiske rockestjerna (og fotografen) Bryan Adams. Adams og Siem har også stått på scenen i lag, i ein versjon av megahiten «Heaven».

Spelte for Lady Gaga

Charlie Siem er son til den norske milliardæren Kristian Siem, og vaks opp i London. Med prins Harry mellom medelevane på den legendariske kostskulen Eton, er det ikkje rart om han er blitt van med å ha megakjendisar rundt seg.

I juni spelte han Vittorio Montis klassikar «Czardas» under festen for Lady Gaga då ho fekk Fashion Icon Award 2011 i New York, og fekk eit kyss på kinnet som takk.

– Denne fyren kan verkeleg spele

Siems nye album er på veg mot medias meldarspalter – så langt har den første meldinga i Classic FM Magazine gitt plata ein varm velkomst.

Elles gir den profilerte journalisten, forfattaren og klassisk-bloggaren Jessica Duchen Siem ein solid attest i ein bloggpost mandag, under den spøkefulle overskrifta «Sjokk-nyheiter: Pen fiolinist kan verkeleg spele»:

– Denne fyren kan verkeleg spele. Og ikkje berre fordi han har Menuhins Guarneri del Gesu, ikkje berre fordi han er i slekt med Ole Bull ... og ikkje berre fordi Lady Gaga likar han ... det beste av alt er at han kan spele Paganini.

Video Charlie Siem speler Paganini i Sommeråpent

Charlie Siem speler Paganini-stykket «Net cor piu non mi sento» i Sommeråpent.

Inspirert av Arve Tellefsen

Charlie Siem var nyleg i Oslo for å halde konsertar under Oslo kammermusikkfestival, og fekk møte ein av sine barndomsheltar, festivalsjef Arve Tellefsen. Han kunne fortelje ein overraska fiolinistkollega om eit møte backstage då Charlie var gut:

– Du huskar det nok ikkje, men eg møtte deg etter ein konsert i Royal Festival Hall i London, sa Siem.

– Eg fekk vere med foreldra mine backstage etter konserten, og eg huskar svært godt at eg tok på fiolinen din og fekk ta deg i handa.

Charlie Siem speler i dag på ein fiolin laga av same fiolinmaker som den Arve Tellefsen har – ein Guerneri del Gesu-fiolin som tidlegare altså tilhøyrde den berømte britiske fiolinisten Yehudi Menuhin.

Sjå Arve Tellefsen og Charlie Siem i Sommeråpent:

Video Charlie Siem og Arve Tellefsen i Sommeråpent

Charlie Siem og Arve Tellefsen deler minne om sine første møte i Sommeråpent.

Kulturstrøm

  • «Mamma Mia»-oppfølger slo original

    Kinopremieren for «Mamma Mia! Here We Go Again» er den sterkeste åpningshelgen for en kinofilm i Norge siden 2015, skriver Dagbladet. Da besøkte over 170.000 kinogjengere James Bond-filmen «Spectre». «Mamma Mia! Here We go Again» ble sett av over 140.867 kinogjengere I helgen, viser tall fra Filmweb. Originalen «Mamma Mia» ble til sammenligning bare sett av drøyt 64.000 publikummere i åpningshelgen i 2008. Jeg rekker å lure på om alle de store hitene ble brukt opp i originalen, mente NRKs anmelder om den nye filmen.

    Lily James
    Foto: United International Pictures
  • Soulmusikk-fotografier utgis i bok

    Nær 300 fotografier som den amerikanske musikk-fotografen Bruce W Talamon tok av de største R & B-, funk- og soulartistene i USA på 1970-tallet og tidlig 1980-tall, utgis i en samlebok. De fleste bildene er aldri tidligere blitt publisert. Blant artistene som Talamon fikk komme nært inn på dagliglivet til, er Jackson 5, James Brown, Stevie Wonder og Diana Ross. Talamon sier til The Guardian at han aldri planla å bli fotograf, og mangler formell utdannelse. Det første bildet han tok var av Isaac Hayes på musikkfestivalen Wattstax i 1972. Konserten var en veldedighetskonsert til minne om det afroamerikanske opprøret i i bydelen Watts sør i Los Angeles.

    Diana Ross
    Foto: STR / REUTERS