Lady Blunt sette prisrekord

Stradivarius-fiolinen «Lady Blunt» vart mandag kveld seld til ein anonym kjøpar for nesten 10 millionar pund, eller nærare 90 millionar kroner – den høgste kjende salsprisen for eit instrument.

Lady Blunt, Stradivarius-fiolin

Lady Blunt er ein av dei aller best bevarte Stradivarius-fiolinane i verda, og har sett fleire prisrekordar i løpet av det siste hundreåret.

Foto: Tarisio

Det var japanske Nippon Music Foundation som selde den berømte fiolinen, som har tilnamnet etter sin første kjende eigar Lady Anne Blunt. Dei avgjorde etter dei tragiske hendingane i Japan i vår at dei ville selje instrumentet til inntekt for dei som er ramma av jordskjelv eller tsunami.

Les meir om fiolinen: Lady Blunt kan setje ny rekord

– Stemninga var avmålt

Lady Blunt vart seld gjennom auksjonshuset Tarisio i London, og budgjevinga skjedde primært på nettet. Budrunda stoppa på 8,75 millionar pund, men med provisjon til auksjonhuset kom instrumentet på 9,808 millionar – med dagens kurs tilsvarer det 88 millionar kroner.

Prisen er meir enn 30 millionar høgare enn den tidlegare rekorden, men utløyste likevel ikkje dei store jubelscenene:

– Stemninga var avmålt i miljøet etter auksjonen, fortel Øystein Birkeland. Han er ein av Noregs fremste ekspertar på instrument av denne typen, og følgde gårsdagens hendingar på nært hald i London.

– Det låg forventingar i lufta om at kjøpesummen kunne bli endå høgare. Samstundes innser folk at det er slik marknaden er nett no, og at dette var ein realistisk pris for instrumentet.

– Marknaden har vore solid i 100 år

Øystein Birkeland er kunstnerisk leiar for Dextra Musica, eit dotterselskap av Sparebankstiftelsen som kjøper inn toppinstrument norske musikarar får bruke. Han er glad for at prisen ikkje vart endå meir astronomisk:

– Marknaden for slike instrument har vore heilt solid i 100 år, seier han.

– Det siste vi ønskjer er at marknaden skal bli spekulert i senk av kjøparar som berre er ute etter kortsiktig vinning. Det gunstigaste er ein stødig prisauke, og slik sett er utfallet av auksjonen veldig bra.

Kulturstrøm

  • Satset alt for å bli artist

    Stig Brenner, artisten tidligere kjent som Unge Ferrari, ble i helgen tildelt «P3-prisen». Etter flere år med hardt arbeid brøt Stig Joar Haugen endelig gjennom og tok hele landet med storm. Men veien har vært tyngre enn han hadde regnet med. Les intervjuet med vinneren her.

    P3 Gull - P3-prisen
    Foto: Kim Erlandsen / NRK
  • Over 130.000 har besøkt nye Munch

    Den første måneden har over 130.000 besøkt det nye Munch-museet. Det er mer enn det de gamle lokalene hadde på et helt år. Det sier direktør Stein Olav Henriksen til TV 2.