Hopp til innhold

Kva skjedde på rom 708?

Anna Elisabeth Westerlund er kjend som Norges mest profilerte synske i det tjuande århundre.

Anna Elisabeth Westerlund.
Foto: Stig Næss/VG / Scanpix

Hør radiodokumentaren: Kva skjedde på rom 708?

Ein dokumentar om politiets samarbeid med synske Anna Elisabeth Westerlund

Av Kari Hesthamar

Politiet i Bergen jobba saman med Westerlund i omkring 20 saker gjennom 80-talet. Det var pårørande som ba om at ho vart trekt inn. Dåverande sjef for ettersøkingsavsnittet, Sigurd Selheim, ringde Westerlund for dei, og ofte kom ho med fly frå Oslo alt neste dag. Den vesle gruppa frå ettersøkingsavsnittet møtte Anna Elisabeth Westerlund på hennar faste rom på hotell Norge etter arbeidstid. Westerlund fekk ingen saksopplysningar på førehand, men ein pårørande var med i fyrste del av seansen for å sikra at Westerlund ”såg” rett.

Søk på rom 708

Professor i folkloristikk, Bente Gullveig Alver, har i mange år forska på fenomenet ”kloke”, og følgde Westerlund over ein periode på 25 år. Alver gjorde kassettopptak av Westerlund då ho sat på rom 708 og forsøkte å finna folk som var forsvunne. Desse opptaka har aldri tidlegare vore frigitt, men i denne dokumentaren får lyttaren høyra opptaka frå ei konkret forsvinningssak, saman med intervju med politiet og Bente Alver.

Leitar etter svar

Mange kryssar grensa frå det offentlege hjelpeapparatet til det alternative når dei ikkje får hjelp hos politi eller helsevesen. 3. juli 1988 forsvann ni år gamle Therese Johannessen frå Fjell i Drammen. 21 år seinare veit ingen kva som skjedde med henne. Mor hennar leitar framleis etter svar, og har vore i kontakt med mange synske som har hevda at dei har opplysningar om Therese – utan at det har gitt resultat.

Westerlund døydde i 1995, 88 år gammal. Ho donerte hjernen sin til Universitetet i Bergen, i håp om at dei kunne finna vitskapleg bevis for at ho var synsk.

Kva skjedde på rom 708?

Ein dokumentar om politiets samarbeid med synske Anna Elisabeth Westerlund.

Av Kari Hesthamar
Teknisk regi Kåre Johan Lund.

Konsulent Berit Hedemann.

NRK P2:

  • Laurdag 10. oktober kl 10:03 og
  • Søndag 11. oktober kl 21:03.

Kulturstrøm

  • Gåte er fornøyd, men spente

    Til NRK sier Gåte at de er fornøyde med plasseringen de har fått i sin semifinale, men at de samtidig er spente på stemningen i salen etter Israels opptreden.

    Tidligere tirsdag ble det kjent at Norge opptrer rett etter Israel i den andre semifinalen i Malmö 9. mai. EBU har fått kritikk fra flere hold for å la Israel delta.

    Jim Ødegård Pedersen, leder folkejuryen Adresse Malmö, tror det kommer til å gå bra. Men sier at Israels bidrag ikke er det enkleste å opptre etter i år. Også han er spent.

  • Madonna avslutter turné med stor gratiskonsert

    Madonna skal holde en enorm gratiskonsert på Copacabana i Rio de Janeiro 4. mai som avslutning på Celebration-turneen som startet i oktober.

    På Madonnas nettside omtales konserten som hennes «største show hittil». Den er en «takk til fansen for å ha feiret musikken hennes i mer enn fire tiår».

    Madonna
    Foto: Evan Agostini / AP