Ni utanlandske filmar vart i kveld nominerte til konkurransen, blant dei den danske filmen «Superclasico» av regissøren Ole Christian Madsen.
Anne Sewitsky nådde ikkje opp med filmen «Sykt lykkeleg».
Foto: Norsk FilminstituttDei andre åtte nominerte filmane kjem frå Belgia, Canada, Danmark, Tyskland, Iran, Israel, Marokko, Polen og Taiwan.
Lista skal ned til fem filmar før Oscar-gallaen i Hollywood 26. februar.
Her er dei åtte andre nominerte utanlandske filmane:
Belgia: «Bullhead», regissør Michael R. Roskam. Canada: «Monsieur Lazhar», regissør Philippe Falardeu. Tyskland: «Pina», regissør Wim Wenders. Iran: «A Separation», regissør Asghar Farhadi. Israel: «Footnote», regissør Joseph Cedar, Marokko: «Omar Killed Me», regissør Roschdy Zem, Polen: «In Darkness», regissør Agnieszka Holland og Taiwan: «Warriors of the Rainbow Seediq Bale», regissør Wei Te-sheng.
Regissør Anne Sewitsky var svært glad då ho fekk meldinga om at var plukka ut som norsk deltakar i kampen om å bli nominert til beste utanlandske film. Men filmen kom altså ikkje opp i konkurransen.
«Sykt lykkelig» handlar ifølgje eigenreklamen om utruskap, elgkjøt, blowjobs og cottage cheese. Filmen konkurrerte med «Oslo, 31. august» og «Sønner av Norge» om å bli den norske kandidaten.
Men alt håp er likevel ikke ute for Norge. Korfilmen «Tuba Atlantic» er såkalla shortlista i kortfilmklassa, og denne filmen kan bli nominert til Oscar 24. januar.
