NRK Meny
Normal

– Robin Williams hadde tre år igjen å leve

Enka etter komikar og skodespelar Robin Williams fortel han rett før han tok sit eige liv fekk ein sjokkbeskjed.

robin williams foran en plakat av seg selv

TUNG BESKJED: Skodespelaren og komikaren Robin Williams sleit med Parkinsons sjukdom og i tillegg demens i månadene før han døde. Kona Susan Williams opnar seg no i eit intervju opp om korleis han hadde det i vekene før han gjekk bort.

Foto: FRED PROUSER / Reuters

Den Oscarvinnande skodespelaren Robin Williams døde i august 2014. Enka hans fortel no for første gong i eit intervju om beskjeden han fekk rett før han tok sit eige liv:

– Legane sa at han hadde maks tre år igjen å leve og at det ville ha blitt svært tøffe og vanskelege år. Den siste månaden før han døde greidde han ikkje å samle seg mentalt og stå i mot sjukdomen. Det var som om demninga brast, fortel Susan Williams i eit TV-intervju til amerikanske ABC News.

Robin Williams Good Morning Vietnam

PRIS: Ein av rollene Robin Williams vann Grammy for var for beste album i filmen Good Morning Vietnam.

Foto: Buena Vista Pictures

Ramma av Parkinsons og demens

Tre månader før han døde fekk Robin Williams slått fast at han hadde Parkinsons sjukdom og i tillegg demens:

– Han fekk sterke både fysiske og psykiske plager i månadene før han døde. Han sleit mentalt grunna Parkinsons sjukdom og demens. Han var lei av alle plagene. Då han fekk Parkinsons-diagnosen tenkte han dette er det som vi har leita etter og no har vi funne kva det er. Vi kjende oss letta over å ha funne ut kva det var som feila han, men vi tenkte også kva betyr dette, fortel enka.

På spørsmål om enka eller andre i familien klandrar seg sjølve for dødsfallet svara ho dette:

– Ikkje i eit sekund. Vi gjorde alt vi kunne. Ingen kunne ha gjort noko meir for Robin. Alle gjorde det beste dei kunne. Denne sjukdomen er som eit sjømonster med symptom som femti tentaklar som viser seg når dei vil. Sjukdomen er kjemisk krigføring i hjernen og ein kan ikkje finne den før nokon dør. Det er ingen kur.

Robin Williams og dattera Zelda i 2011

MED FAMILIE: Dette bildet er frå 2012 og viser Robin Williams saman med dottera Zelda Williams. Robins vann Oscar for rolla han spela i klassikaren Good Will Hunting frå 1997. Filmen blei gjennombrotet for blant andre Matt Damon.

Foto: FREDERIC J. BROWN / Afp

Tok siste farvel

Robin Williams sleit i fleire periodar med rus og i tillegg kronisk depresjon. Dei siste åtte åra var han heilt rusfri, men han var plaga av paranoia og depresjon. I tillegg kom Parkinsons sjukdom og demens. Susan Williams fortel at ho ikkje ber nag til mannen:

– Etter han døde har eg sagt til han at eg tilgjev han heilt av heile mitt hjarte. At han var den modigaste mannen eg nokon gong har kjent og at han levde i eit mareritt.

Robin Williams blei 63 år gamal. Han vann Golden Globe, Grammy, Emmy og Oscar for sitt arbeid som både skodespelar og komikar.

Kulturstrøm

  • Bare Egil og Tea på Nesaksla

    Torsdag 2. august blir det igjen konsert på toppen av Nesaksla i Åndalsnes 715 m.o.h. når Raumarock gjentar suksessen med fjellkonsert under årets festival. I år blir det to artister på toppen av fjellet når Bare Egil, alias Egil Hegerberg, og Tea Megaard skal spille hver sin konsert.

    Video T:462s2Bare Egil
    Foto: Nyhetsspiller
  • HØR: Jon Michelet spesial

    Da Jon Michelet døde forrige lørdag er det ikke minst hans romaner under tittelen En sjøens helt, om de norske krigsseilerne, som står igjen som en litterær bauta. Men Jon Michelet har også skildret verden på randen av tredje verdenskrig, han har gjort fotball til en litterær sjanger og han har gått til frontalangrep på nære forfatterkolleger.

    Da Jon Michelet døde forrige lørdag er det ikke minst hans romaner under tittelen En sjøens helt, om de norske krigsseilerne, som står igjen som en litterær bauta.
Men Jon Michelet har også skildret verden på randen av tredje verdenskrig, han har gjort fotball til en litterær sjanger og han har gått til frontalangrep på nære forfatterkolleger.
  • – Du sier bare: Wow! Er det mulig?

    – Alle reiser til Europa og opplever Paris og Roma. Men få reiser til Norge. Jeg tror at det å gi dem muligheten til å oppleve en annerledes destinasjon vil appellere til kundene våre, sier Nguyen.