I tillegg til at Norge skal vere gjesteland på verdas største bokmesse, Bokmessen i Frankfurt, skal Norge presentere både norsk litteratur og kultur i Tyskland på same tid.
– Bokmessa i Frankfurt er mykje meir enn bøker. Det er musikk, kunst, arkitektur og teater, seier direktøren av bokmessa i Frankfurt, Juergen Boos, som besøker Norge i desse dagar.
Direktøren er i Norge for å få betre innsikt i norsk litteratur og anna kultur. Han skal blant anna treffe ei rekke forfattarar og besøke museum medan han er i Norge.
– Frankfurt skal vere kulturens svar på OL. Og det skal vere ei politisk scene. I fjor då Frankrike var gjesteland, var både Frankrikes president Emmanuel Macron og Angela Merkel der, seier Boos.
Norske kunstnarar tek over kunstmuseum
Når Norge er i sentrum i Frankfurt neste år, er det ikkje berre på bokmessa i oktober. Med seg i kofferten tek Norge med seg eit litteraturprogram, som vil finne stad i heile Tyskland frå januar 2019.
LES OGSÅ:
I tillegg blir det utstillingar, konsertar og scenekunst med norske kunstnarar i Frankfurt by hovudsakleg hausten 2019.
– Eg er veldig spent på korleis Norge kjem til å presentere seg i Frankfurt. Det vil vere 10 000 akkrediterte journalistar på bokmessa. 60 % av alt som blir rapportert handlar om gjestelandet, seier Juergen Boos.
Eit av høgdepunkta norske kunstnarar kan by på er utstillinga ved Museum Angewandte Kunst (MAK). Heile museet blir via norsk kunst og kultur i ein periode på tre-fire månadar.
Det er museumsdirektøren, Matthias Wagner K, som skal lage utstillinga «House of Norway».
– «House of Norway» vil gje norske kunstnarar, designarar, arkitektar og andre fagmiljø høve til å vise fram Norge og det norske på ein overraskande måte for eit tysk og internasjonalt publikum, fortel Wagner K i ei pressemelding.
Kostar 50 millionar
Prosjektet «Frankfurt 2019» kostar Norge i overkant av 50 millionar kroner. Staten Norge har alt finansiert deler av prosjektet med 30 millionar kroner. Nå har Senter for norsk litteratur i utlandet, NORLA, som ansvarleg for prosjektet, skaffa nye samarbeidspartnarar.
Det betyr at prosjektet «Norge som gjesteland på bokmessen i Frakfurt 2019» er nesten fullfinansiert.
– Frankfurt-prosjektet er den største satsinga på norsk kultur internasjonalt, og legg til rette for økt kultureksport, seier kulturminister Trine Skei Grande.
