Den ulovlege nedlastinga av film og musikk gjekk ned med 30 prosent då IPRED-lova tredde i kraft 1. april i år, og det vart mogleg for opphavsretteigarane å forfølgje nettbrukarar som driv med fildeling.
Lovar anonyme IP-adresser
Men no aukar altså fildelinga igjen, og er allereie på same nivå som i januar. Dette heng truleg saman med at mange breibandselskap annonserer med anonyme IP-adresser, som ikkje kan sporast tilbake til brukarane. Desse selskapa har no fått mange nye kundar.
- Vanlegvis lovlydige svenskar, tek no sjansen på å drive med fildeling att, rapporterer Berit Rekaa frå Stockholm.
Om breibandselskapa verkeleg kan halde det dei lovar med anonyme IP-adresser er ikkje sikkert.
Dette er vanskeleg juridisk, Regjeringsretten har nemleg slått fast at IP-adresser skal sjåast som personopplysingar i Sverige, og dette kan dermed ikkje leverast ut til kven som helst. Det store spørsmålet vert kven som skal kunne få ut desse opplysingane om IP-adressene.
LES ÒG:
LES ÒG:
I tillegg kjem Sverige truleg snart til å vedta datalagringsdirektivet til EU. Det er sannsynleg at dei då må oppgje IP-adressene likevel. Dermed er det fare for at breibandsselskapa ikkje kan halde IP-adressene anonyme særleg lenge.
- Må meine om fildeling
Fildelinga har engasjert mange i Sverige, spesielt unge menneske.
- Det har vorte eit spørsmål om integritet for mange. Det byrja med at IPRED-lova og Pirate Bay-dommen gjorde svenske ungdommar vart medvitne om personvern og fildelingsproblematikk. Som eit resultat har
, fortel Berit Rekaa.Det svenske Piratpartiet vart valt på at dei vil sikre personvern på nettet. Valresultata har fått følgje også for dei andre politiske partia i Sverige.
- Andre politiske parti har no innsett at dei må ha ei meining om fildeling. For eitt år sidan var det ei sjølvfølgje at fildeling ikkje kunne tillatast, men no vaklar partia. Dei snur kanskje ikkje heilt, men dei snakkar om at ein må finne ei ordning, og følgje med i teknologien i 2009, seier Rekaa.