Under eit direkteintervju med direktøren på Mjøsmuseet på Sommeråpent i går kveld, hadde programleiaren Jeannette Platou med seg ei sjeldan gåve.
Farfar til programleiar Jeannette Platou var i si tid med på det store restaureringsarbeidet etter at Skibladner gjekk ned under opplag ved Minnesund i 1967.
Historisk gåve
– Den gongen var det krise, seier direktøren i Mjøsmuseet Arne Julsrud Berg.
Selskapet hadde ikkje pengar til å heve skipet, og det såg mørkt ut. Men forsvaret tok jobben med å heve skipet, og Platou og hans arkitekter tok jobben med å teikne om båten og gjera alt det konsulentarbeidet som må gjerast for å få båden i stand.
Og på direkte på sommeråpent i går hadde programleiaren med seg ei stor overrasking til Mjøsmuseet.
– Dette er originale, handteikna teikningar frå 1967 frå farfar og som min familie gjerne vil gje til dykk i Mjøsmuseet, sa den tydeleg rørte programleiaren Jeannette Platou.
Og Mjøsmuseets leiar Arne Julsrud Berg visste å setja pris på gåva.
–Ei fantastisk flott gåve, takk skal du ha. Dette er veldig viktig dokumentasjon for oss, sa Julsrud Berg, til stor applaus frå dei frammøtte.
Det var arkitektfirmaet Platou i Oslo som tok konsulentjobben med å teikne opp att Skibladner. Og firmaet har da tatt vare på teikningane.
Ei brikke som mangla
– Dette er teikningar vi ikkje har frå før, seier direktøren i Mjøsmuseet.
Han seier at museet sit på det meste frå arkivet til Skibladner, men at desse teikningane har mangla.
– Det var veldig moro, for Skibladner er unik, og det er viktig å få sikra all dokumentasjon rundt båten. Den tekniske historia til båten er veldig viktig i eit internasjonalt perspektiv, seier Arne Julsrud Berg i Mjøsmuseet.
– Kva skjer med gåva no?
– Desse teikningane går inn i arkivet på Mjøsmuseet, og vi kjem nok også til å avfotografere dei og bruke dei i formidlinga.
Museumsdirektøren seier at det viktigaste med gåva er dokumentasjonen.
– Nå veit vi kva som skjedde med båten i 1967-68, og det er viktig for oss. seier Julsrud Berg.