Vegrar seg for å investera i radonsikring

Radon er ein farleg gass som kan vera kreftframkallande.

Tidlegare i år blei det klart at Kinsarvik i Ullensvang herad har blant dei høgste konsentrasjonane av denne gassen i heile Europa.

John Ove Rørnes er no tilsett som prosjektleiar for radonsikring i Kinsarvik. Han opplever at det kan vera vanskeleg å overbevisa folk om at radonsikring er viktig.

Radon blir for lite handfast

– Radon er eit vanskeleg problem i og med at det er ein gass som du verken kan sjå, lukta eller ta på, seier Rørnes.

– Naturfarar som skred og flaum er mykje meir handfast i og med at ein kan sjå det. Då er det lettare for innbyggjarane å forstå at her må me gjera nokre tiltak. Den situasjonen får du ikkje med radon, forklarer prosjektleiaren.

LES OGSÅ:

• Strålevernet vil flytte radon-rammede i Kinsarvik
• Holder folkemøte etter avsløringene
• Avviser radon-alarm i Kinsarvik

Må gjera tiltak på hus

Då den høge radonkonsentrasjonen i Kinsarvik blei kjent åtvara Statens strålevern folk mot å opphalda seg i Kinsarvik over lengre tid. Men sikringsarbeidet kan vera komplisert.

– Det er ikkje store opningar som skal til får du får innsig av radonluft. Det er først og fremst på dei eksisterande bustadane det er store utfordringar. Ein må gjera tiltak på husa for å ned radoninnhaldet i lufta. Det som då er viktig, er kor godt bygget er bygd i forhold til tettleik mot grunnen, seier John Over Rørnes.