NRK Meny
Normal

– Vi leitar eigentleg etter nåla i høystakken

Leitemannskap søkte i kveld gjennom nye område i Voss sentrum etter Eivind Olav Gil Ottesen (61), men utan resultat.

Created by InfoDispatcher

FLEIRE DELTEK: Røde Kors har kalla inn fleire hjelpekorps i distriktet til leiteaksjonen etter den sakna 61-åringen på Voss.

Eivind Olav Gil Ottesen

SAKNA: Eivind Olav Gil Ottesen (61) frå Åsane er meldt sakna på Voss.

Foto: Privat/politiet

Tysdag ettermiddag bad Røde Kors om bistand frå fleire hjelpekorps i distriktet. Det var hjelpekorpsa i Vaksdal, Voss, Eidfjord, Vossestrand, Kvam og Finse som fekk førespurnad om å stille med mannskap for å leite etter den sakna 61-åringen frå Åsane.

Eivind Olav Gil Ottesen har vore sakna sidan natt til sundag. Han vart sist sett i Voss sentrum klokka 02.20, men har ikkje returnert til hytta si i Bavallen.

Utvida søkeområdet

I går vart det søkt med helikopter langs riksvegen til Granvin, samt at ein på kvelden gjorde nye søk i området rundt Skulestadmo og Skjerpe. Leitinga vart avslutta då mørket fall, men vart tatt opp att i dag tidleg.

NRK får opplyst av operasjonssentralen at planen er den same i dag, nemleg å leite så lenge det er dagslys.

– Me har heile Voss som leiteområde. Utover ettermiddagen får me nye mannskap frå Røde Kors medan Sivilforsvaret held trykket oppe. Me kjem til å gjera nye søk utover kvelden i områda Tvildemoen, Haugamoen og Nyre, sa lensmann Ivar Hellene til NRK tysdag ettermiddag.

Desse områda ligg aust for Voss sentrum (sjå kart nedst i saka).

Framleis sakna

Klokka 20.30 tysdag kveld har leitemannskapa avslutta for dagen.

– Me har framleis ikkje funne den sakna, seier lensmann Hellene til NRK.

Leitemannskapa sit no i møte der ein summerer opp dagen, og legg planen for korleis leitinga skal halda fram onsdag. Lensmannen veit førebels ikkje korleis og kor leitinga vil gå føre seg i morgon, eller kor mange som skal delta.

– Som å leite etter nåla i høystakken

Savnet Voss Bavallen

Den 61 år gamle mannen kom ikkje tilbake til hytta si i Bavallen etter ein tur til Voss sentrum natt til søndag.

Foto: Christine Kongsvik / NRK

Leitemannskapa har i heile dag søkt gjennom hagar og hus, frå Lydvo og heile vegen til Ringheim utan resultat. Ut på kvelden har ein også søkt gjennom bustadområde aust for Voss sentrum.

– Me hadde jo håpa me skulle finne han, men det har vist seg å ikkje vera så lett. Me leitar eigentleg etter ei nål i høystakken, seier Hellene.

Han syner til at 61-åringen har ein sjukdomshistorie som gjer at han kan bli desorientert om tid og stad.

– Han kan ha teke ein anna veg enn det som er normalt. Vi oppmodar alle i Voss kommune til å ta ein kikk i hagar, uthus, bodar og så vidare for å sjå om han er der. Han kan vera i ein situasjon der han treng han hjelp.

Publikum kan tipsa politiet på 02800.

Laster kart, vennligst vent...

Siste video

Onsdag 16. august begynte flyttingen av den store flytedokken fra Laksevåg til Ågotnes.
Programleder: Mariann Reikerås