Fekk tandemsykkel og Birkebeiner-påmelding i 50-årsgave

– Hjelp! Dette har eg ikkje fortent!

Det var den fyrste tanken som gjekk gjennom hovudet til Toril Grindstad da ho og ektemannen Jo Petter fekk den slitsomme 50-årsgava.

"Gode" vener gav dei både tandemsykkel og startnummer til Birkebeinerrittet, og treninga er allereie godt i gang.

• Fulltegnet på 41 sekunder
• Vil ha folk i Birken-løypene

Vil ikkje overnatte

Nå skal daglege turar ved foten av Rondane få kondisjon og tandemteknikk til å stemme før Birken i slutten av august. Da er det godt at dei har vore saman om det meste dei siste 33 åra.

– Vi går nå på ski, jakt og turar saman. Men i det siste har det vorte meir trening i ferien enn vi er vant til, seier dei to.

Dei trur at gava var ein takk for sist etter pek som ekteparet har funne på til andre. Men utfordringa er teken og målsetjinga er klar:

– Vi skal kome over, og det vil vere ei stor oppleving og ei bragd for oss. Og vi satsar på å kome over utan å måtte overnatte på turen.