Fylkesadvokat: – Ulovleg å nekte parti tilgjenge til skuleval
Viken-politikarar ville stenge ute parti som fremjar hatefulle ytringar frå skuleval. Fylkesadvokaten meiner det er ulovleg å nekte parti tilgjenge.
Politikarane i Viken vedtok i mars at parti som stiller liste ved fylkestingsvalet, får høve til å delta på valtorg. Unntaket er for parti som fremjar hatefulle ytringar, konspirasjonsfortellingar og ekstremt tankegods.
Fylkesadvokat Geir Atle Mjeldheim i Viken meiner vedtaket bryt med forbodet mot førehandssensur i Grunnlova, skriv Kommunal rapport.
– Vi må nesten forholde oss til det, seier fylkespolitikar Mons Ivar Mjelde (Ap) i Viken.
Mjelde opplyser at saka no skal takast opp att på nytt i juni, i tide til skulevalet som blir halde 4. og 5. september. (NTB)