– Om du ser vestover, kan du skimte Alaska

«One World Trade Center» begynner å rage i vêret på New York sin «skyline». I dag blir skyskraparen offisielt den høgaste bygningen i byen.

Sept 11 WTC Rebuilding «One World Trade Center» - Byggeplassen på Ground Zero med «One World Trade Center» i midten. - Foto: Mark Lennihan / Ap

Byggeplassen på Ground Zero med «One World Trade Center» i midten.

Foto: Mark Lennihan / Ap

«One World Trade Center», også kalla «Freedom Tower», blir hovudbygningen på «Ground Zero» i New York, der tvillingtårna til «World Trade Center» stod til 2001.

30. april 2012 når stålkonstruksjonen litt over 381 meter (1250 fot), som er nok til å slå høgda til taket på observasjonsdekket på «Empire State Building» i same by.

Dermed har New York fått ein ny meistrar i høgde.

Bygget blir 541 meter (1776 fot) når det blir ferdigstilt i slutten av 2013, byrjinga av 2014. Ifølgje havnemyndighetene i New York, som har samarbeidet med fleire i å sette i gang byggeprosjektet, vil bedrifter kunne flytte inn i bygget frå 2014 av.

– Dette bygget har kosta enormt mykje kapital, både økonomisk og emosjonelt. Når det står ferdig vil det vere det tryggaste, sikraste bygget i heile verda. Det skal bli ein arbeidsplass i verdsklasse, uttalte representantar frå havnemyndigheitene i New York under ein pressekonferanse frå tårnet i dag.

Symbolsk

«Freedom Tower»«One World Trade Center» - «One World Trade Center» - Foto: Barcroft USA/Bulls / Laurentiu Garofeanu

«One World Trade Center»

Foto: Barcroft USA/Bulls / Laurentiu Garofeanu

Høgda på det ferdige bygget skal symbolisere året 1779, då den amerikanske sjølvstendeerklæringa vart vedteken.

Teikna av arkitekten David Childs, skal det bli senter for minnesmerket, «Reflecting Absence», til minne om ofra for terroråtaket på New York 11. september, 2001.

Bygginga starta i 2006. I 2007 begynte konstruksjonen å vise seg over bakken, og i 2013 blir den klar for innflytting, 12 år etter terroråtaket.

– Dette byggverket er eit symbol på fridom og stoltheit. Og det å bygge denne bygningen har vore meir enn ein jobb for denne gjengen. Det har vore ein lidenskapeleg og patriotisk plikt, sa representantar frå havnemyndighetene.

Høgast ... eller?

Med sine 541 meter blir bygget det høgaste i USA når det blir ferdigstilt, og det tredje høgaste i verda, etter «Burj Khalifa» i Dei Sameinte Arabiske Emiratar og «Abraj Al Bait» i Saudi-Arabia.

Men takhøgda på «One World Trade Center» blir «berre» 417 meter, resten er eit spir på toppen.

Om ein ikkje reknar med spiret blir bygget 25 meter kortare enn «Willis Tower» (tidlegare «Sears Tower») i Chicago.

Til slutt blir det altså eit definisjonsspørsmål om kven som er høgast i landet der.

Men dei som står bak byggverket er ikkje i tvil.

– Om du strekk hals og ser vestover kan du skimte Alaska, sa ein av byggherrane under pressekonferansen i dag.

FREEDOM TOWER - Datagenerert bilete av det ferdige bygget.AP

Datagenerert bilete av det ferdige bygget.

Foto: AP

Utvalgte dokumentarer

No. dokumentar. Sumaren 1989 opnar grensa mellom Østerrike og Ungarn nokre dagar. Eit ungt par fra Aust-Tyskland, Gundula Schafitel og Kurt-Werner Schultz, bestemmer seg for å krysse grensa med den seks år gamle sonen. Men før dei når fram, har grensa blitt stengd igjen. Når dei likevel prøver å komme seg over, blir Kurt-Werner skoten og drepen framfor Gundula og sonen. Hendinga får store ringverknader, og blir byrjinga på murens fall.
Am. dokumentar. En surrealistisk og utrolig historie om en flyktig kjærlighetsaffære mellom to fiendtlige supermakter på høyden av den kalde krigen. Denne historien kunne blitt slutten på stillingskrigen lenge før Gorbatsjov. Høsten 1959 drar Sovjetunionens leder, Nikitia Khrusjtsjov, til Washington på det han senere beskriver som sitt livs reise. På samme tid bygde vanlige amerikanske borgere tilfluktsrom i hagene sine i frykt for en russisk atombombe. Khrusjtsjov både forførte og skremte amerikanerne på de to ukene han var på besøk. (Khruschev Does America)
Svensk dokumentar. Da den sovjetiske ubåten U137 gikk på grunn utenfor Karlskrona i Sverige i oktober 1981, var det mange detaljer som aldri kom fram i mediene. Nye opplysninger og vitnemål kaster nå nytt lys over hendelsesforløpet.