TV-bilda viser militærpoliti som har hende fulle med å organisere køen inn til Austerrike. I periodar blir presset på gjerda så veldig, at dei må opne opp for å hindre at folk blir klemt i hel. Kvinner med små born blir løfta over gjerdet.
Nokon har blitt trakka på og ligg på bakken og får behandling av frivillige.
Hundre tusen til Slovenia på tolv dagar
Presset på den slovensk-austerrikske grensa byrja då Ungarn hadde gjerda inne heile sin sørlege flanke. Ifølgje slovenske styremakter har det kome 100-tusen flyktningar til grensa dei siste 12 dagane.
Slovenia har hatt store problem med å organisere transitten frå Kroatia. No har problemet også forplanta seg til grensa nord om Maribor til Austerrike.
Lite respons på bøn om hjelp
Slovenia, Kroatia og Serbia har bedt EU om bistand for å hjelpe dei mange som kjem. men talskvinne for EU-kommisjonen Natasha Bertaud seier at berre 8 land har svart på bøna. Hun har på Twitter i dag publisert listene som viser kva flyktningane i de ulike EU landa treng av varme og vasstette klede, soveposar, senger og telt.