Taliban-talsmannen Muslim Khan vart arrestert i det ein militær talsmann kallar ein vellukka aksjon.
Fire andre toppar i Taliban sine styrkar i Swatdalen vart også arresterte, seier talsmannen.
Den pakistanske hæren har sidan april gjennomført ein offensiv mot Taliban i dette området.
Motstandslommer
Hæren seier dei har greidd å nedkjempe Taliban i det meste av området, men at det framleis er små lommer der den islamistiske opprørsgruppa gjer motstand.
Alle dei arresterte står på lista over dei mest ettersøkte opprørarane i Swatdalen. Muslim Khan, og Mahmoud Khan, som også er blant dei arresterte, har hatt ein pris på 10 millionar rupi, over 720.000 kroner, på hovuda sine.
Dette er dei første arrestasjonane av nokon på topp 15-lista over opprørarar i Pakistan.
Den mest ettersøkte er den ekstreme mullaen Maulana Fazlulla, som har ein prislapp på 50 millionar rupi, vel 3,5 millionar kroner, på seg.
Fazlulla
Fazlulla har alltid halde seg unna fjernsynsintervju og fjernsynskamera, og Muslik Khan blilr blitt sjølve symbolet på Taliban i Swatdalen.
Den engelskspråklege avisa The News skriv at dei fem leiarane alle er medlemer av det såkalla shura-rådet, Talibans rådgjevande organ. Dei skal ha blitt lurt til å kome til det dei trudde skulle vere fredssamtalr i Islamabad.
I staden vart dei pågripne av pakistanske tryggingsstyrkar.
LES OGSÅ:
LES OGSÅ:
LES OGSÅ:
LES OGSÅ: