Anders Johansen nekta for å ha tent på bluss. No slepp han unna gigantkravet frå FIFA etter møtet mellom Norge og Albania.
Foto: Facebook«Morgendagens rettssak mot Anders i forbindelse med pyroen mot Albania er i dag kansellert.»
«Aktor har sett videoen som viser at Anders er uskyldig.»
Tribunenorge.com skriv dette på sine Facebooksider sundag kveld. Det betyr at Anders Johansen slepp å møte i retten om bluss-bota han fekk krav om å betale etter møtet mellom Norge og Albania i mars.
Bare Johansen blei identifisert
Ifølgje Norsk Supporterallianse blei mellom ti og femten bluss tent på tribunen under kampen.
Ei gruppe norske supporterar stod bak tenninga av bengalske lys, men Anders Johansen frå Fredrikstad var den einaste som blei identifisert.
For dette ga FIFA Norges Fotballforbund ei bot på nesten 40.000 kroner for ikkje å ha sørga for god nok sikkerheit.
Heile kravet blei sendt vidare til Johansen, som no slepp unna det heile.
Blei oppringt av aktor
Måndag skulle saka eigentleg gått for retten, men nye videobevis har fått påtalemyndigheita til å endre meining.
Tribunenorge.com skriv også at Johansen blei oppringt av aktor sundag kveld. Han opplyste 33-åringen om at han slepp unna.
