– Det vi kan konstatere under aksjonen er at veldig mange har manglar når det gjeld dokumentasjon av kontantomsetning og rekneskapsproblem, seier avdelingsdirektør ved Skatt Sør, Karl Olav Valen til NRK.
Bilen vert smussfri og rein, men det same kan ikkje seiast om mange av firmaene som utfører jobben.
200 kontrollerte
UROA: Karl Olav Valen ved Skatt Sør, er uroa over sitasjonen. Til nå har dei fleste av dei 200 kontrollerte bilpleiefirmaene, hatt manglar.
Foto: Jan Inge Thomassen/NRKDen landsomfattande kontrollen, som vart utført av skattestyresmaktene, avdekka ulovleg verksemd ved dei fleste av dei rundt 200 bilpleiefirmaene, som vart kontrollert.
Den endelege resultatet frå kontrollen er klart førstkommande mandag.
I tillegg til mykje svart omsetning, mangelfulle rekneskap og skattefusk, avdekka kontrollørane fleire uryddige tilsettjingsforhold - blant anna av personar utan lovleg opphald i Noreg.
KRITISK: Innehavar av Autoshine i Kristinansad, Abobakr Gholami, tykkjer ikkje noko om svart omsetning, mangelfulle rekneskap og skattefusk.
Foto: Jan Inge Thomassen/NRK– Det er særs mange personar som ikkje har arbeids- og opphaldsløyve. Særs mange stikk av ved kontrollane, og dei fleste av dei er av utanlandsk opphav. Vi finn også ut at dei ikkje er registrert i arbeidstakar og arbeidsgjevarregisteret, seier Valen.
Varslar fleire kontrollar
For tre dagar sidan var kontrollørane på besøk hos Autoshine i Kristiansand. Ifølgje innehavaren var alt i orden. Sjølv er han skuffa over juksemakarane og meiner dei øydelegg bransjen sitt rykte.
– Det er ikkje bra. Ting må gjerast riktig. Ein må betale skatt og moms, seier innehavar Abobakr Gholami.
No varslar skattestyresmaktene fleire kontrollar.
– Det er alvorlege forhold, når ein bransje er prega av slike ting, seier Valen ved Skatt Sør.
