– NVE sine folk estimerte at vatnet er fem meter lågare i dag. Men vi har ingen auke i magasinet, seier Johnny Bruheim, vassdragsteknisk ansvarleg i Hydro Energi Sogn.
Saman med NVE og ordførar Ivar Kvalen, var han på synfaring i helikopter i dag. Ved innsjøen ved Harbardsbreen har stor snømelting har ført til eit jøkulhlaup, ein flaum frå den bredemte innsjøen. Hydro har tappa mykje vatn frå Fivlemyrmagasinet det siste døgnet, for å kunne ta i mot vassmengdene frå innsjøen.
– Vi greier å tappe meir enn det kjem inn i magasinet, men det byrjar å nærme seg ei grense. Vi forventar stigning. Men basert på estimat frå 2010 har vi kontroll på situasjonen så lenge det ikkje kjem nedbør, seier Bruheim.
PØSAR UT: Svært mykje vatn er på veg nedovervassdraget og det tømmer vatna lenger oppe. Her er vatnet lågt.
Foto: NVE– Faren går ned time for time
Magasinet tek 3,5 millionar kubikk med vatn, og det er venta at dei samla mengdene vatn frå breen blir minst 5,5 millionar.
Folk nede i dalen, der 50 personar har blitt varsla om mogleg evakuering, kan ha merka at det er meir vatn Fortunselva i dag, men det er planlagd.
– Me har auka vasstanden frå litt over 40 kubikk i går kveld til litt over 60 kubikk i dag. Det er for å kunne ta i mot meir i magasinet, og gjere flaumtoppen mindre, seier Jan Idar Øygard frå Hydro.
– For kvar time som går, så går faren ned. Jo lenger vi klarer å halde unna ved at Hydro tappar vekk vatnet, jo mindre sjanse er det for at det skal bli ein stor skadeflaum, seier regionsjef i NVE, Brigt Samdal.
I GÅR: Slik såg det ut ved bresjøen i går.
Foto: NVEVil auke på det neste døgnet
Den store frykta i går kveld var at det skulle kome mykje vatn raskt i ein tidleg fase.
– Då fyller magasinet seg opp og vi får ei tidlegare oversvømming. Men det har gått veldig bra, seier Brigt Samdal.
NVE: Brigt Samdal.
Foto: Ivar Lid Riise / NRK– Vi er budd på dei større vassmengdene som vil kome det neste døgnet. Det vil auke på med vatn som kjem frå den bredemte innsjøen, seier Samdal.