– Brannen starta i fjerde etasje, og det var kvinna som budde i leilegheita som vart skadd. Det var berre ho som budde i leilegheita, fortel operasjonsleiar Kjetil Føyen.
Ho vart frakta til sjukehuset i luftambulanse i går kveld.
Stavanger universitetssjukehus opplyste litt over klokka ni i dag at kvinna fekk kritiske skadar i brannen og at tilstanden framleis er ustabil.
Fleire vart evakuerte
Bustadblokka er ni etasjar høg og om lag 70 personar bur i blokka.
– Alle bebuarane som var i blokka vart evakuerte, men dei fleste fekk flytte inn igjen i natt, seier Føyen.
Leilegheita i fjerde etasje, der brannen starta, er totalskadd. I tillegg er to leilegheiter i femte og sjette etasje ubebuelege etter brannen. To personar har sove på hotell, fortel Føyen.
- LES OGSÅ:
Årsaka er ukjend
Politiet fekk melding om brannen klokka 22.17, litt over 20 minutt seinare melde brannvesenet at brannen var sløkt.
Årsaka til brannen er førebels ikkje kjend.
– Politiet sperra i natt av leilegheita. Krimteknikarar skal i dag gå inn og gjera undersøkingar, fortel Føyen.