– Eg trur me har laga eit produkt som er veldig interessant for dei fleste syklistar, seier gründar, Ole Martin Ølmheim.
Han står bak den nye oppfinninga "Bikefinder". "Bikefinder" er ein GPS-sendar som kan monterast inne i sykkelramma, og som tjuvane ikkje kan fjerna. Med denne sendaren kan eigaren til ei kvar tid følgje med på kvar sykkelen er.
Ølmheim har trua på at så mange som 9 av 10 stolne syklar kan koma tilrette igjen, med den nye oppfinninga.
- LES OGSÅ:
- LES OGSÅ:
Eit stort problem
Sjølv om produktet berre er på prototypestadiet, har den Stavanger-baserte bedrifta store ambisjonar.
For sykkeltjuveri er i dag eit stort problem. Berre i Stavanger blir det årleg meld 1000 sykkeltjuveri til politiet. Tal frå Finans Norge viser at det blei ersatta syklar for 69 millionar kroner i Norge i fjor.
– Me jobbar like mykje nasjonalt som internasjonalt, og der er det ein stor marknad, seier Ølmheim.
- LES OGSÅ:
- LES OGSÅ:
Samarbeidar med profflaga
I utgangspunktet tenkjer dei at oppfinninga er noko som alle sykkeleigarar kan ta i bruk, men i utviklingsfasen har dei rette seg spesifikt inn mot dei profesjonelle sykkellaga.
- LES OGSÅ:
Bedrifta har allereie inngått ein avtale med det russiske profflaget, Katusja, som mellom anna Sven Erik Bystrøm og Alexander Kristoff syklar for.
– Eg har faktisk blitt frastolen nokre sykler. Det er alltid kjipt, og forhåpentlegvis kan "Bikefinder" hindra det i framtida, seier proffsyklist, Sven Erik Bystrøm.
"Bikefinder" skal etter planen vera på marknaden i august.