– Det er utruleg spanande å få inn så flinke musikarar, til å spele saman med oss, seier elev ved Stavanger katedralskule Snorre Skagseth.
«The Girls Crystal band» er ei kjend folkemusikk gruppe i Kina, og på sin verdsturne gjer dei berre ein konsert i Noreg. Den gjer dei i samarbeid Sino Nordic Management og elevar ved Musikkformidling på Stavanger katedralskule.
– Litt vanskeleg, men det funkar
Elevane har øvd sidan skulestart, men fekk berre øvd i seks timar saman med den kinesiske gruppa før konserten, språket gav ekstra utfordringar.
– Det var litt vanskeleg. Men det funkar, me ler litt av kvarandre, seier Åse Suwanna Johnsen.
– Me har tolk, og så bruker me mykje kroppsspråk, seier Skagseth.
Dei er einige om at dei har fått ein unik moglegheit.
– Eg føler meg veldig privilegert som får moglegheita til å jobbe saman med kinesiske musikarar. Det er veldig få som i Noreg som får denne sjansen, så det er veldig kult, seier Skagseth.
Likar norsk folkemusikk
Under konserten framførte elevane fleire norske folketonar, og damene i «The Girls Crystal band» var også godt nøgde med å få samarbeidet med Stavanger-elevane.
– Eg synst norsk folkemusikk er vakkert å høyre på. Og eg kunne gjerne tenkje meg fleire samarbeid, der me spelar norsk og kinesisk folkemusikk saman, seier eitt av medlemmene i bandet, sier Li Jing Ya.
Del av eit spel
– Det er veldig spanande fordi dette er ein heilt annan kultur. Det betyr mykje å få dette innblikket i ein kultur som framleis følast veldig annleis, seier Eddie Andresen, lærar ved Stavanger katedralskule.
Eddie Andresen, lærar ved Stavanger katedralskule seier at Det betyr mykje å få dette innblikket i ein kultur som framleis følast veldig annleis.
Foto: Arild Eskeland / NRK– Forholdet mellom Kina og Noreg har lenge vore kaldt. Korleis har det greidd å få til dette samarbeidet?
– Eg trur det er ein tanke bak dette. Dette er sjølvsagt ein del av eit viktig spel, seier Andresen. Lat oss ta til å snakke saman igjen, så kjem vi ganske snart på offisielt nivå, meiner Andresen.
Blant publikum sat også representantar frå den kinesiske ambassaden i Noreg.
