Rogaland er det eit stort jordbruksfylke, med vekt på produksjon av mjølk og kjøt. Med så mange husdyr blir også eit stort utslepp av klimagassar.
I jordbrukskommunar som Time, Klepp og Hå, står jordbruket for over 50 prosent av klimagassutsleppa.
Satsar på biogass
– Det er klart at med så mykje gjødsel som det er i Rogaland, så blir det store utslepp, seier næringssjef i Rogaland fylkeskommune, Norvald Skretting.
Men no skal ei stor satsing på biogassanlegg få ned utsleppa, det er i alle fall det som er planen til fylkeskommunen. I regionalplanen for energi og klima i Rogaland, som vart vedteke i 2010, vart det sett eit mål om å redusera klimagassutsleppa i landbruket med 15 prosent innan 2020. Biogassanlegg blei då beskrive som det viktigaste tiltaket for å kunne klara det.
– Det har skjedd ein del sidan den gong, og i desse dagar blir etablert eit eige firma som skal investera i gardsanlegg i Rogaland, seier Skretting.
- LES OGSÅ:
Har trua
I Rogaland vil fylket satsa på små gardsanlegg, slik at bonden sjølv skal produsera gassen av gjødsla på garden. Teknologien finst allereie, men i Rogaland har den nesten ikkje blitt prøvd.
– Det har blitt gjort forsøk med teknologien andre stader i landet, og me trur at me skal få overført og tilpassa teknologien til Rogaland på ein grei måte. Dess fortare me får slike anlegg opp å gå, dess fortare me kan redusera utsleppa frå landbruket, seier Skretting.
Dersom teknologien fungerar, og bøndene hiv seg på prosjektet, kan ein også nå 15 målet om innan 2020, trur han.
– Om me får nok interesserte til å bli med, så trur eg me skal koma langt på veg mot å nå målet.
- LES OGSÅ: