– Eg kom klokka 2 i natt, og då var det var kaos. Me har fått litt orden på det no, men det er veldig mykje trafikk som står, seier Roger Hegreberg, som har vore kaivakt i natt og utover morgontimane i dag.
– Held du varmen?
– Nei, eg er dassblaut. Men skal snart varma oss når me har fått litt orden på trafikken.
Det var ikkje berre Hegreberg som heldt hus på kaien i natt. Yrkessjåførar som skulle over fjorden var det mange av.
Trailersjåføren Kim Andre Wathne venta heile natta for å sjå den første ferja frå Mekjarvik legga frå kai utan han sjølv om bord. Då den første ferja gjekk klokka 06.00, stod han og mange andre att på kaien.
– Eg har venta sidan klokka elleve i går kveld. Det har ikkje vore ei særleg god natt, eg sov vel éin time, seier lastebilsjåfør Kim Andre Wathne.
Sterk vind og høge bølgjer gjer at ferjene over Boknafjorden går frå Mekjarvik i staden for Mortavika på E39. Ferjestrekket har vore stengd i natt, men klokka seks gjekk den første ferja i dag. Neste avgang er ikkje før klokka åtte.
- LES OGSÅ:
Wathne kom til kaien klokka 23 i går kveld, og har ikkje hatt ei natt å skryta veldig av.
– Eg har hatt eit auge ope heile natta. Det er ikkje så lurt å sovna, for plutseleg blir du forbikøyrt i køen.
Den siste veka har uvêret herja på Vestlandet. Stormen Nina har ført til øydeleggingar og problem på vegane.
- LES OGSÅ:
– Det er ikkje så enkelt å gjera noko med det, men den siste veka har vore håplaus, spesielt for oss som køyrer matvarer. Telefonen kjem vel snart til å gå varm, seier Wathne.
– Me må berre stå her og venta, det er ikkje så mykje anna å gjera, seier Daniel Bakke, som også har heldt til på Mekjarvik i natt.
- LES OGSÅ:
- LES OGSÅ: