Meir enn 1.400 brannmenn kjempar mot flammane i delstaten vest i USA, skriv CNN.
Ytterlegare 3.500 menneske kan måtte evakuerast om flammane held fram med å speie seg. I dag er omlag fem kvadratkilometer råka av brann.
– Brannen spreier seg veldig fort og vi har ikkje kontroll, seier brannmeister David Sadecki.
Fryktar brannen når sentrum
Det var ein uheldig kombinasjon av varm vind og høge temperaturar som gjorde at flammane starta å spreie seg onsdag.
Styresmaktene fryktar no at brannen skal nå sentrum av byen, og guvernør Arnold Schwarzenegger har erklært unntakstilstand.
– Eg vil takke alle brannmedarbeidarane for at dei står på, seier han til CNN.
Han forsikrar innbyggjarane om at finanskrisa ikkje vil setje ein stoppar for sløkkjearbeidet.
– 75 prosent av kostnadane vert dekkja av regjeringa. Det vil ikkje stå på pengane, lova han, ifølgje New York Times.
Les også:
Stengde skular
I går vart meir enn 9.000 grunnskuleelevar evakuerte frå skulane sine, og i bydelen Santa Barbara er 12 skular stengde.
Geege Ostroff (65) er ein av dei som er sikker på at han har fått huset sitt øydelagd av flammane.
- Eg saknar dei dummaste tinga, som kaffipressa mi. Eg ønskjer å vere heime, seier han.
Det herjar også ein skogbrann i Arizona, nær grensa til Mexico. Denne brannen har øydelagd tre heimar og påført ein av innbyggjarane tredjegrads-forbrenning.