I dag møter ho president Mikhail Saakasjvili i Georgia for å få han til å skrive under våpenkvileavtalen som partane ikkje har underteikna enno.
Condoleezza Rice meiner fleire av punkta i fredsplanen som EU forhandla fram tidlegare denne veka treng ei klargjering, fyrst og fremst for å tryggje georgiske interesser.
Les:
Samstundes vil ho truleg også prøve å overtale georgiarane til å slå av noko på krava overfor russarane.
Skal trekkje seg attende
Ifølgje fredsplanen skal russiske styrkar trekkje seg attende, men fredsbevarande russiske soldatar får lov å patruljere dei omstridde områda fram til utanlandske observatørar er på plass.
Les:
I løpet av dei siste dagane har det derimot kome motstridande meldingar om kvar dei russiske styrkane er, og om dei rykkjer fram eller tilbake i Georgia.
Les:
- Trengst ei formell våpenkvile
No vil Rice få slutt på kamphandlingane.
- For få dagar sidan fekk president Sarkozy russarane og georgiarane med på punkta i fredsavtalen. Det var prinsipiell semje om desse punkta. No trengst det ei formell våpenkvile, og det er dette vi jobbar med, sa Rice då ho var på veg til Georgia i dag.
Dei to utbrytarrepublikkane Abkhasia og Sør-Ossetia har begge skrive under avtalen.
Merkel kritiserte Russland
Medan Rice legg press på Georgia, blokkerer russiske styrkar framleis vegen inn til den georgiske byen Gori, melder nyhendebyrået AP. Blokaden skaper tvil om kor vidt russarane tenkjer å halde avtalen.
Dette var det den tyske forbundskanslaren Angela Merkel sin jobb å ta tak i i dag. På ein pressekonferanse med president Dmitrij Medvedev kritiserte ho Russland for overdriven maktbruk mot Georgia.
Merkel haldt fram at ei løysing på konflikten må innebere respekt for grensene til Georgia, og understreka overfor russarane at både Georgia og Ukraina ein gong kan kome til å verte medlemmar av NATO.