Det var SV som ynskte at folk skulle kunne skrive under på ei liste om at saka burde bli behandla på nytt av politikarane.
- LES OGSÅ: Held fram kampen mot vindmøllene
Skuffa initiativtakar
– Eg tykkjer det er veldig trist. Eg er skuffa fordi vi meinte det var ein bra ting å leggje ut eit initiativ slik at folk skulle få høve til å vise motstanden sin mot ei vindmølleutbyggjing på Lista, seier initiativtakar Anija Wormsen til NRK.no.
Eit innbyggjarinitiativ vil seie at det vil bli lagt ut lister der innbyggjarane i kommunen kan skrive under - mot eit vedtak. For å få ny behandling av saka må minst 300 innbyggjarar skrive under. Kommunestyret sa nei til å leggje ut slike lister, 29 mot 4 stemmer.
- LES OGSÅ: 31 vindmøller til Lista
Ser på moglegheitene
– Vi er sjølvsagt veldig skuffa, men vi håpar på nye moglegheiter. Det er blant anna inne ei klage hos sivilombodsmannen. Så skal vi sjølvsagt snakke saman og sjå kva vi kan gjere vidare, seier Wormsen.
- LES OGSÅ: Slik blir møllene seende ut
– Eit innbyggjarinitiativ er jo veldig ufarleg i seg sjølv, det er berre ein måte å leggje fram eit forslag. Det skal jo vere ei demokratisk ordning som folk faktisk skal kunne bruke på ein enkel og grei måte. Vi tykkjer dette er veldig synd, seier ho.