– Vi kom heim i halv elleve tida. 20 minutt seinare banka det på døra. Eg så ut vindauge kven dette var. Då såg eg ein mann i berre trusa, seier Vågsvoll til NRK.no.
LES OGSÅ: Slik varsla redningsmannen politiet
LES OGSÅ: Startar søk på land
Blødde frå beina
– Han var klissvåt og blødde frå beina. Han fortalde at båten deira hadde kantra og at han hadde symt i land og ba oss ringe politiet, seier ho.
Det var seks personar om bord i den 14 fots jolla. Mannen fortalde også at han hadde fått ein av dei andre mennene opp på ein holme.
– Han visste ikkje kva holmen heitte, men beskreiv korleis denne såg ut. Då forstod eg kvar han sat og redningsmannskap kunne komme fram til han.
SJÅ: Bilete frå redninsarbeidet
LES OGSÅ: Dramatisk båtulykke ved Mandal
73-åringen fekk mannen i dusjen, fekk på han tørre klede, gav han mat og bandasjerte såra på beina.
– Fleire var i live
– Han var veldig uroa for venene sine og meinte at fleire av dei var i live når han kom seg på land. Ha sa også at han hadde prøvd eit anna hus, men at ingen var heime. Dermed hoppa han ut igjen i sjøen og symde bort til vårt hus, der han såg lys, fortel ho.
Vågsvoll er kritisk til at lokale fiskarar vart nekta å vere med å leite etter dei fire personane som er sakna i går kveld.
– Vi kjenner kvar øy og holme. Vi kjenner draget i sjøen og vinden. Det var bølgjer og mykje sjø. Forholda var vanskelege, seier ho.
Seinare vart mannen teke hand om av sjukehuset. Kameraten hans som venta på ein holme var henta av leitemannskap og send til sjukehus. Tilstanden til dei to skal vere stabil. Dei fire kameratane er framleis sakna.