Ifølgje politiet skal mannen til dagleg jobbe som livreddar. Då den 16-17 fots jolla til dei seks kameratane gjekk rundt, klarte han å få med seg ein av personane til land på øya Sandøy.
SJÅ: Bilete frå redningsarbeidet
– Nærast eit under
Her forlot han kameraten og sprang vidare over øya, før han kasta seg i sjøen att og symde til Hellersøy. Deretter sprang han over øya, før turen på nytt gjekk i sjøen.
LES OGSÅ: Startar søk på land
LES OGSÅ: Dramatisk båtulykke ved Mandal
Til slutt kom han seg utruleg nok på land ved Skjernøy, der han til slutt fekk kontakta politiet for å varsle om ulykka. Politiet fekk meldinga klokka 22.48 onsdag kveld.
Han var ute og fiska saman med fem kameratar då jolla deira gjekk rundt.
– Det har vore ei veldig strabasiøs ferd. Det er nærast eit under at han har komme seg i land, seier politistasjonssjef i Mandal Bjart Gabrielsen til NRK.no.
SEND TIL SJUKEHUS: Ein av dei to som kom seg til land på veg til sjukehus. Tilstanden til dei to skal vere stabil, opplyser sjukehuset.
Foto: Martin Næss Kristiansen / Lindesnes Avis / ScanpixTilstanden stabil
Tilstanden til dei to som kom seg opp skal vere stabil, ifølgje sjukehuset i Kristiansansand. Dei fire kameratane er framleis sakna.
LES OGSÅ: Båten ikke funnet
– Ifølgje leitemannskap er det særs grov sjø i området. Dei seier at det vil vere vanskeleg å komme seg i land. Det er nesten ikkje til å tru at denne mannen har klart å komme seg i land, seier reporter Johanne Tunaal-Larsen som er i Mandal.
– Han sikkert symt tre-fire kilometer. Han må vere ein tøff kar, seier operasjonsleiar ved Agder politidistrikt, Hans Petter Osaland.
Leitinga etter dei fire mennene i 20-åra, som framleis er sakna, er trappa kraftig opp i føremiddag. Fleire helikopter, båtar og bakkemannskap frå Røde Kors og Sivilforsvaret er sett i verk.
REDNINGSBASE: Redningsmannskap er samla på Skjernøy utanfor Mandal. Redningsmannskap både på sjøen, i lufta og på land leitar etter dei fire sakna mennene frå Danmark.
Foto: Johanne Tunaal-Larsen/NRK– Vi gjer ikkje opp
– Leitinga vert organisert lokalt. Vi vil leite vest for ulykkesstaden på øyane, som kan vere aktuelle. Vi trur at vi kan ha moglegheit til å finne personar, seier politistasjonssjef i Mandal, Bjart Gabrielsen til NRK.no.
– Vi må erkjenne at det har gått mange timar, men vi gjer ikkje opp, seier Gabrielsen.
Mennene brukte truleg ikkje redningsvest.
Alle dei pårørande er varsla, og det er oppretta eit kriseteam.
Politiet har kalla inn til pressekonferanse på politistasjonen i Mandal klokka 14. NRK.no er tilstades.
VIDEO: Sjå video frå redningsarbeidet etter ulykka.
