– Eg var heime hos meg sjølv og skulle fiske laks, då danskane kom i bil. Dei køyrde ned til brygga. Her har kun vore ein bil tidlegare, og det var ein ambulanse, så vi var litt nysgjerrige, seier Otto Solli til NRK.no.
LES OGSÅ: Slik varsla redningsmannen politiet
LES OGSÅ: Ester (73) tok imot redningsmannen
SJÅ: Sjå bilete frå redningsarbeidet
– Etter litt fram og tilbake såg vi at dei skulle ut og fiske. Det var fiskestenger og dei gjekk ut på brygga. Så gjekk jolla ut. Det var ei 14 fots jolle, den var full av folk, seks stykk, nesten ikkje fribord, motvind, sjøen slo over dei og dei berre gassa på, seier han.
– Det var det siste vi såg
Saman med naboen såg Solli ungdommane reise ut frå brygga. Ungdommane var på ferie i Noreg. Dei to følgde ungdommane frå kikkert, før dei forsvann for dei på grunn av dårleg sikt.
– Vi stod og sa for oss sjølv at, desse oppfører seg lite proft, nesten som tyskarane gjer når dei reiser ut. Det var lite redningsvestar å sjå, og det var såpass dårleg sikt at vi mista dei. Det var det siste vi såg til dei, fortel han.
LES OGSÅ: Dramatisk båtulykke ved Mandal
LES OGSÅ: Båten ikke funnet
Dei to gjekk heim til sitt, før dei var tilbake rundt kvart på ti onsdag kveld. Då stod den danske bilen framleis på parkeringsplassen.
– Burde kanskje ha stoppa dei
– Naboen min er fødd og oppvaksen her og har sett og høyrt mykje rart. Han er sjømann og sa, slikt vert det ulykker av, når ungdom er så dårleg utrusta reiser ut i slikt ver, seier han.
– Vi burde kanskje ha stoppa dei, men det er for seint no. Men det var det vi sa då, vi burde ha stoppa dei, seier han.
Leitemannskap både i lufta, på sjøen og langs land leitar etter dei fire danskane som er sakna. Dei to som kom seg i land ligg no på sjukehus. Tilstanden til dei to er stabil.
Det er vanskelege leiteforhold i området på grunn av hard sjø.