Dommaren hadde akkurat blese av 2. divisjonsoppgjeret på Eikbanen i Tønsberg i går ettermiddag, då episoden fann stad. Fleire av spelarane hadde allereie gått i garderoben. Men ein låg att på bana.
Livlaus
Spelarar frå heimelaget, som dreiv med nedjogging, trudde at jenta deppa over tapet, og at det var difor ho vart liggjande. Men etterkvart reagerte mange på at ho låg heilt urørleg, ifølgje Tønsberg Blad.
– Vi var i ferd med å gå i garderoben, då vi såg ho liggje livlaus att på bana, seier lagleiar Rune Sæther til NRK.
Trenaren til Eik Tønsberg var den første, som gjekk bort til jenta. Han signaliserte raskt at ho var bevisstlaust og ambulanse vart straks tilkalla.
– Skremmande
– Heldigvis var ambulansen på plass raskt. Etter ein halvtime livna ho til att, seier Sæther.
Han fortel om ei skremmande oppleving på Eikbanen.
– Det var ikkje morro i det heile. Det er klart vi vart skremde. Dette har skjedd eit par gonger tidlegare med jenta, men legane finn ikkje ut kva det er. Eg reknar med ho vert skriven ut frå sjukehuset om ikkje lenge, seier lagleiaren.
Lyngdal tapte forøvrig kampen 0-5.
