– Det var litt overraskande at det gjekk så raskt, for eg følte ikkje det gjekk så raskt. Men det er jo greit å vite at eg har endå meir å gå på, seier Marianne Mæland Fredbo til NRK.
Kortbane-NM i symjing føregår i Stavanger.
Ho kom i mål på tida 52,36. Det heldt til både norsk rekord og NM-gull på distansen i hennar klasse. Samstundes tok 23-åringen frå Lyngdal bronse på 50 meter butterfly med tida 49,95.
I dag skal ho i aksjon på 50 meter fri, medan ho skal kjempe om edelt metall på 100 meter bryst i morgon.
– 100 meter bryst er min sterkaste distanse, så der går eg for gull, seier Mæland Fredbo.
Hovudmålet til 23-åringen denne sesongen er langbane-VM i Nederland i august.