Må punga ut med opp mot 80.000 kroner for å få full bom-rabatt

Mellom 30.000 og 80.000 kroner. Det blir prisen du blir nøydd til å førehandsbetala (avhengig av storleiken på bilen) for å få full rabatt gjennom bomstasjonane på Haugalandet neste år.

I 2013 opnar T-sambandet mellom Tysvært og Karmøy. Då blir det endå eit bompengeselskap i området – totalt fem ulike selskap.

Les òg: Bompengene hans øker 300 prosent

– Ingenting er samordna

Kvart selskap har sine eigne prisar, reglar og rabattordningar. Det gir eit uoversiktleg system for bilistane.

– Ingenting er samordna. Ein bomstasjon på Austlandet har sitt system, ein bomstasjon på Sørlandet har eit anna system og på Haugalandet er det også eigne ordningar, seier dagleg leiar i Skude Transport på Karmøy, Svein Bringedal.

Han er oppgitt over at bilistane blir taparane når det blir oppretta nye bomstasjonar.

For å få topprabatt i det nye T-sambandet må bilistane ut med 18.000 kroner i førehandsbetaling.

– Me bruker mykje tid på å forhandla oss fram til særavtalar på dei bomstasjonane me bruker mest, seier Bringedal.

Les òg: Vil kreve bompenger også etter 2016

Les òg: Denne brua skal byggast utan bompengar

Vil ha felles abonnement

Stortingsrepresentant og medlem av finanskomiteen på Stortinget, Arve Kambe (H), meiner dagens bomordning er uheldig.

Han vil at det nå skal bli mogleg å teikna eitt bompengeabonnement som gjeld for alle bomstasjonar.

– Verda går framover. Nå er det på tide med eit enklare system, seier han.

Også Svein Bringedal vil ha ei lik bompengeordning for heile landet.

– Det bør bli eit sentralt styrt autopasskontor alle betaler pengane til. Slik blir det like vilkår for alle, seier han.