Ein illustrasjon over korleis den ferdige plattforma skal sjå ut. Understellet er allereie plassert ut i Nordsjøen.
Foto: Statoil / IllustrasjonI fjor sommar blei stålunderstellet til den nye statoilplattforma i Nordsjøen, Gudrun, vellykka installert. Nå går arbeidet for alvor i gang i Haugesund, med å få ferdig overdelen av plattforma:
– Det blir ein hektisk periode. I vår kjem Gudrun-prosjektet til å ha fleire hundre medarbeidarar i aksjon ved verftet i Haugesun, seier byggeleiar i Aibel Liv Auestad Skaar.
Eit gigantisk puslespel
Laurdag tok verftet imot første del av fundamentet til overbygget på plattforma. Denne delen blei bygd ved Aibel sitt verft i Thailand. Totalt produserer Aibel tre store modular til plattformdekket som blir på nærmare 9000 tonn.
- Les òg:
- Les òg:
Ein av modulane blir produsert i Noreg, medan to blir produserte i Thailand. Og det er ved verftet i Haugesund alle modulane skal bli sett saman.
Berre for Aibel har Gudrun ein verdi på om lag 2,8 milliardar kroner. Medan den samla investeringsramma for er på 21 milliardar kroner.
- Les òg:
Dekket er eit gigantisk puslespel. I tillegg til verftet i Haugesund, er Aibel-kontorene i Oslo, Thailand og Singapore involvert i prosjektet.
– I byrjinga av mars skal me løfta den første av seksjonane på plass. Nokre veker seinare kjem det eit skip frå Polen med nye seksjonar, seier Skaar.
Her ved Aibel sitt verft i Haugesund skal overstellet til Gudrun-plattforma vera klar våren 2013.
Foto: Øyvind Sætre / AibelI rute
Statoil satsar på at Gudrun skal vera i produksjon om to år. Fristen for Aibel å levera overstellet på plattforma er våren 2013.
Skipet som kom inn i går vitnar om at prosjektet er i rute seier byggeleiaren:
– Det er flott å sjå at me er i rute, og at kvaliteten på det som blir produsert er bra, seier Skaar, medan fundamentet frå Thailand blir lossa av ved Aibel sitt verft i Haugesund.
