– Kunne me hatt meir flaks, seier ein godt nøgd Henning Feyling til NRK.no.
Han er sjef for den 19. runden av Egersund Visefestival som opna i strålande solskin i dag.
I går såg det likevel verre ut, då hølja regnet ned.
– Folk kan bli sitjande i hagane
– Opninga var berre heilt fantastisk. I parken song Mandsangerforeningen festivalen inn i strålande vêr.
Men mange av konsertane som blir arrangerte skjer innandørs. Så for publikumstala er ikkje nødvendigvis sola det aller beste som kan skje.
Henning Feyling har erfaring i festivalbransjen.
– Det viser seg at dersom vêret blir for godt blir folk heller sitjande i hagane sine, seier han.
- Les òg:
- Les òg:
- Les òg:
Mange frammøtte så langt
Han ser likevel ingen grunn til å uroa seg så langt, og på laurdagen er det også varsla at det kanskje vil koma litt fleire skyer.
– Det har vore godt oppmøte så langt i dag, og i løpet av helga satsar me på å nå det normale talet på betalande gjester, som ligg på rundt 2.500.
Han meiner i alle fall sjølv at det ikkje finst gode grunnar for å la vera å gå.
– Nå er nett kyrkjekonserten med Paal Flaata ferdig. Det var heilt ubeskriveleg. Nå er neste høgdepunkt Tønes. Han er det mest faste inventaret me har her på festivalen, og han leverer alltid.
Tønes opptrer både som soloartist og saman med bandet Skjelvekommode.
Av andre artistar som spelar i byen i Dalane i løpet av helga er Humble Servants, Jan Toft og I Was A King.