– Eg vakna i halv sekstida av skarpe og kraftige smell, eg blei litt skremt, og lurte nesten på om det var full krig i nabolaget, fortel nabo av brannen Tor Henning Pedersen til NRK.no.
Då han såg at det brann i nabohuset, skulle han til å ringa brannvesenet, men oppdaga at dei allereie var på staden.
Sjølv om han blei skremt, går tankane hans til først og fremst til naboane som fekk huset øydelagt i brann.
Ingen personskadar
– Me har kontroll over flammane nå, opplyser vaktkommandør i Brannvesenet Sør-Rogaland, Andre Jocobsen, til NRK.no klokka 07.00.
Han kan også opplysa om at det ikkje er meldt om personskadar i samanheng med brannen.
Brannvesenet var i gang med ettersløkking og kontroll klokka 07.00.