Det blei i dag lagt ned blomar ved huset der den døde burmesiske kvinna budde saman med sitt barn og mannen hennar, som nå er sikta for for forsettleg drap.
Les også:
Det burmesiske miljøet i Egersund bruker jamnleg den nedlagde frikyrkja i Egersund, og i føremiddag var det samling der for å arbeide med sorga.
- Me er i sjokk
Ekteparet var aktive i Egersund Chin Baptistmenighet. Baptistpastor i Stavanger, Magnar Mæland, har hjulpe det burmesiske miljøet i Egersund over fleire år.
- Me er i sjokk alle saman. Miljøet er ikkje større enn at alle kjenner alle. Dette er eit miljø som lever tett saman i glede og sorg, seier han til
Det var også Mæland som via paret for omlag eitt år sidan.
- Eg lever ikkje tett på dei til dagleg, men etter det eg kjenner til har ingenting tyda på at ein slik tragedie skulle skje.
Ukjent drapsårsak
Den sikta ektemannen (30) blei avhøyrd laurdag ettermiddag. Politiet kan førebels ikkje seia noko om drapsårsaka eller om det er funne noko drapsvåpen.
- Me gjer avhøyr av både sikta og vitne i saka, samstundes som me utfører teknisk og taktisk etterforsking, opplyser politiinspektør Olav Veggeberg til NRK.
Drapstidspunktet er laurdag ettermiddag ukjent.