Det undrar både forskarar og forvalting av jerven truleg har vandra frå Rendalen i Hedmark, over fylkesgrensa, og etablert seg i Bymarka i Trondheim.
For nokre år sidan blei ungane til ei jervtispe tatt livet av under eit hiuttak. Det blei gjort DNA-prøvar, og desse viser no at hojerven har gått heile vegen til Bymarka i Trondheim.
- Det viste seg at DNA-prøvar vi gjorde av jerven i Bymarka, stemte overeins med prøvar tatt av ein jerv i Spekdalen i 2001, seier Øystein Flaggstad, som er forsker ved NINA, til NRK Trøndelag.
Mistenkt som sauedrepar
Øystein Flaggstad er forskar ved NINA, og han forklarer at dei sit på DNA-profilar til ein stor del av jervestamma i Sør-Noreg.
Jervetispa har oppført seg svært spesielt sidan forvaltninga tok ungane. I 2001 var den mistenkt for å vere ein sauedrepar i Rendalsområdet, no lever den eit fredeleg liv i Bymark.
- Ein av grunnane til at tipsa reiste frå Rendalen, kan vere at ungane blei tatt frå henne. Eg har ikkje sett dette individet i Spekdalen i åra etter, seier Flaggstad.
Alternativ til radiomerking
Å ta prøvar av avføringa til jervestamma i Sør-Noreg, er eit godt alternativ til radiomerking. Det viser denne spesielle historia.
NINA-forskaren fortel at DNA-prøvane som blei tatt her godt kunne vore brukt i ei rettssak.
