Vekeavisa skal heite Arbeideravisa og kome ut i løpet av hausten. Den vil få eit opplag på 7000 eksemplar.
Avisa skal fokusere på lokalstoff og kommentarar. Redaktør blir Charles Utvik som har jobba i Brønnøysunds Avis, som nyheitsleiar og vaktsjef.
Arbeideravisen har eksistert før i Trondheim. Den gjekk inn i 1995, men 1. september i år skal Utvik med fleire blåse liv i avisa igjen.
- Uheldig med monopol
Leiar av LO i Trondheim Arne Byrkjeflot vil ha slutt på monopolet til Adressavisen i Trondheim:
- Eg trur dei aller fleste er einige i at ein by med Trondheim sin størrelse, er det uheldig med pressemonopol med berre ei avis.
Arbeideravisen skal i følge LO sjølv ikkje bli eit blad for dei spesielt interesserte, men ei avis som skal treffe alle. Den skal ha eit grunnlag i solidariske verdiar.
- Vi skal bli ei motvekt til Adressavisen og sleppe til alle, seier Byrkjeflot.
- Adressa sviktar
Komande redaktør Charles Utvik seier Arbeideravisen skal sette dagsorden med tema Adresseavisen ikkje føler ansvar for:
- Det er behov for eit breiare spekter i debattane. Det er også mulig for ei ny avis å sette dagsorden med nye moment, noko Adressavisen ikkje nødvendig vis føler ansvar for.
