I laurdagens semifinale mot Koll var det liten tvil om kven som skulle ta seg til finalen i norgesmeisterskapen i volleyball.
Førde vann 3-0 i sett, med siffera 25-15, 25-20 og 25-20.
Og for tredje året på rad er Førde klare for finale.
- Det er like herleg kvar gang, gliser Førde-trenar Frank Kalstad rett etter kampslutt.
God kontroll
Første sett i Førdehuset opna jevnt, og Koll heldt bra følge med Førde. Men på 11-9 bestemte heimelaget seg, og då var det takk og farvel til Oslo-laget. Førde tok første sett med 25 - 15.
I andre sett tok Koll føringa i starten, og speakar uttalte halvveges at kampen ikkje var nokon festforestilling.
Men etter kvart våkna kanonane hjå førdianarane, og Mathias Loftesnes smasha inn 25 - 20 og 2-0 i sett.
I det tredje settet viste Førde ingen nåde, og finaleplass var eit faktum med siffera 25-20.
Marcin Lubiejwskij var mest verdifull for Førde og sanka 14 poeng. Førde henta 22 poeng på motstandarfeil, medan Koll tok 24 poeng.
(Artikkelen held fram under biletet)
NØGD: Førdetrenar Frank Kalstad gir laget sitt instruksjonar under semifinalen mot Koll.
Foto: Alf Vidar SnælandHeva seg frå forrige helg
- Vi klarte å reise oss frå forrige kamp, seier Kalstad og siktar til tapet mot NTNUI førre helg.
- I dag er det kontroll, god stemning i laget og vilje til å vinna, seier trenaren.
Lars Fredrik Tvinde gjorde ein god kamp for Førde og gler seg til cupfinalehelg.
- Veldig kjekt å komme til finalen. Fint arrangement og mykje folk, så det er alltid kjekt å spele den, seier han og veit godt kva han pratar om.
I januar vil han delta i sin tredje cupfinale på rad.
Han er ikkje enig med speakers analyse av semifinalen.
- Eg tykkjer vi speler god volleyball i kveld, og kjører over Koll til tider, oppsummerar han.
- LES OGSÅ:
- LES OGSÅ:
Anten Nyborg eller NTNUI
I finalen ventar anten Nyborg eller NTNUI. Dei møtes til dyst i Bergen i morgon ettermiddag.
Blir det førstnemnde som går sigrande ut av duellen, vil det bety Førde - Nyborg i cupfinale for tredje gong på tre år.