– Dette var ei oppleving for livet. Det var 60.000 og fullsett stadion.
Han har vore assistentdommar i nokre internasjonale oppgjer tidlegare, men dette var hans debut i Champions League. Og det norske dommarteamet kom godt frå oppgåva i heksegryta på Emirates Stadium.
– Frå observatørane og dei som rettleier oss har vi fått gode tilbakemeldingar.
– Og ingen sure miner frå nokon av laga?
– Nei, det var veldig god stemning både på benken og ute på bana gjennom heile kampen.
- LES OGSÅ:
(Artikkelen held fram under biletet)
Representerer framleis Eid
Sven Erik Midthjell er 29 år gamal og arbeider som politibetjent i Bergen. Men han brukar stadig meir tid på fotballbaner i inn- og utland. Og han representerer framleis Eid Idrettslag.
I Champions League-oppgjeret mellom Arsenal og Olympiakos var han fjerdedommar og hadde tilhald på sidelinja nær innbytarbenkane.
– Der tek eg meg av det formelle rundt innbyte, men 80 prosent av kapasiteten brukar eg på det som skjer inne på bana, eg støttar opp om dei avgjerdene som dommarteamet tek, eg spelar inn via mikrofonen min det eg ser av situasjonar i mitt nærområde.
- LES OGSÅ:
(Artikkelen held fram under biletet)
To frå Sogn og Fjordane
Det var Svein Oddvar Moen (Haugar) som var hovuddommar. Han hadde med seg assistentdommarane Kim Tomas Haglund (Navestad) og Frank Andås (Gjøvik/Lyn) og altså Sven Erik Midthjell (Eid) som fjerdedommar.
Og Midthjell var ikkje den einaste frå Sogn og Fjordane på Emirates Stadium denne kvelden. Tommy Skjerven (Kaupanger) var måldommar saman med Brage Sandmoen (Kjelsås).
Arsenal vann kampen 3-1.
(Artikkelen held fram under biletet)
Spesialisert seg som assistentdommar
Sven Erik Midthjell har spesialisert seg som assistentdommar, og difor får vi ikkje sjå han som hovuddommar i store oppgjer.
– I toppfotballen er det slik at anten er ein hovuddommar eller så er ein assistentdommar. Eg vart oppnemnd som assistentdommar, og eg får oppdrag ut frå det.