Det ser ut til å bli nokre intense timar denne tysdag føremiddagen. Det veit også meteorologane som har sendt ut OBS-varsel for store delar av Vestlandet.
Dette fortel at dei i dag er venta lokalt mykje nedbør, men at det truleg vil gje seg utover ettermiddagen og kvelden.
- LES OGSÅ:
Ein våt start
Men før det gir seg blir det vått, vått og vått.
– Vi meiner det er veldig viktig å åtvare om viktig vêr, og mykje nedbør er viktig vêr, seier statsmeteorolog Anna Reistad ved Vêrvarslinga på Vestlandet.
For at det skal sendast ut eit såkalla OBS-varsel må det vere venta over 40 millimeter med nedbør, seier Reistad. I dag kan enkelte stader i Sogn og Fjordane vente seg ein stad mellom 30 til 70 mm nedbør. Og det kjem mykje nedbør på kort tid.
– Det kjem dei første timane fram til klokka 12, så roar det seg utover ettermiddagen, seier Reistad.
Første hauststormen
Reistad seier dei i dag noterer den første hauststormen, sjølv om det altså berre er 28. august.
– Det er oppe i liten storm på kysten no, det er ganske mykje. Så vi noterer den første hauststormen, seier ho.
Men det blir betre. Utover ettermiddagen minkar vinden og frå i ettermiddag er det venta liten kuling frå sør og seinare dreier vinden sørvest og det blir frisk bris ifølgje meteorologen.
Vêret i dag er noko heilt anna enn gårsdagen då folk kunne nyte sin flott sommardag. Morgonen starta likevel ganske så kaldt, og fleire vakna til snø i fjellet og is på bilen.
- LES OGSÅ: