Fleire stader i fylket er ein tredel av brannvesenet sine utrykkingar unødvendige. Skular, barnehagar og private næringsbygg er gjengangarar.
Vil få slutt på falske alarmar
Brannvesenet i Førde hadde i fjor 55 unødvendige utrykkingar, og det kosta dei om lag 100 000 kroner. Brannsjef i Førde, Bernhard Øberg, meiner slike alarmar kan by på store utfordringar for brannvesenet.
- LES OGSÅ:
– Det blir jo veldig alvorleg dersom vi får to samtidige hendingar, at vi får ei skarp hending som vi seier, ei ulukke, samtidig med ein unødvendig alarm. Då stiller det ganske store utfordringar til oss, seier Øberg.
Artikkelen held fram under biletet.
No ønskjer brannvesenet å skjerpe situasjonen.
– Vi har bestemt oss for å begynne å sende rekning på unødvendige alarmar, seier brannsjefen.
– Uheldige omstende
Dagleg leiar ved Førde Torg og Elvegården, Jonny Tjønn, seier at det hos dei har vore uheldige omstende som har ført til falske alarmar.
– Det har vore kundar som har komme borti ein manuell meldar, eller så har det vore ein sneip som har utvikla røyk i ein eller annan korridor, som har gjort at alarmen har gått. Og då skal den jo gå, seier Tjønn.
- LES OGSÅ:
– Vi tek dette på alvor. Vi har faste rutinar på korleis dette skal gjerast, og vi har avtalar med butikkane og butikksjefane om kva dei skal gjere når dei får nye tilsette.
Ikkje negativ til rekning
Tjønn har full forståing for at brannvesenet har sett seg lei av falske alarmar og at dei frå no av kjem til å sende rekning til dei som er ansvarlege.
– Dersom det skuldast slurv hos leigetakarane eller huseigarane så er eg ikkje negativ til det. Det må dei gjerne gjere, seier han.