– Det blir heilt latterleg dersom kommunen ikkje sørger for nye granskingar av fjellet bak oss. Vi skal trass alt bu her også i framtida, seier Kjell Heggheim til NRK.
Tobarnsfaren og forkjemparen for at kommunen no gjennomfører granskingar av tryggleiken for bebuarane i Sandvika.
Blei evakuert
Det var høgdramatisk då orkanen Dagmar førte til evakuering av bebuarane i Sandvika i Høyanger.
Eit stort ras gjekk berre meter frå dei næraste husa og skaka opp både unge og eldre. Nokre dagar seinare kom sjølvaste statsminister Jens Stoltenberg på vitjing for å snakke med dei som vart evakuert.
- LES OGSÅ: |
– Det må kome ein ny rapport og det må gjerast nye granskingar av området. Verken eg eller andre føler oss særleg trygge med å bu her ute. Eg har to barn på 8 og 12 år, og dei vert sjølvsagt og uroa, seier Heggheim.
(Artikkelen held fram under biletet)
Gamal rapport
Det er avisa Ytre Sogn som melder at det no har vore møte mellom Sandvika-folket og Høyanger kommune.
Der kom det fram at bebuarane vil ha betre informasjon om det faktisk er trygt å bu der dei bur.
- LES OGSÅ: |
Den siste rapporten om tilhøva i fjellområdet like ved Høyanger sentrum kom på midten av 90-talet. Under informasjonsmøtet med bebuarane kom det fram at det framleis er denne kommunen støttar seg til når dei vurderer området der husa står som trygt.
Vil ta saka med NGI
– Dei tiltaka som vart gjort fungerte tilfredsstillane. Det fekk vi eit prov for i samband med Dagmar, sa teknisk sjef Jostein Nyland til bebuarane.
Rådmann i Høyanger, Arve Varden, forsikrar at dei vil ta saka opp med Norges Geotekniske Institutt, når dei kjem til Høyanger samband med ei anna sak om ikkje lenge.
– Sandvika står ikkje på saklista, men vi kan sjå om det ikkje er mogleg å få til noko, seier Varden til Ytre Sogn.