- Det er kjent at alle rovdyr søkjer attende til positive næringspunkt, seier Ivar Mysterud, som er bjørneekspert og forskar ved Universitetet i Oslo.
Vaksen hannbjørn
Spora som er observert i Jostedalen er noko større enn for to år sidan.
DEBATTER:
- Det er ikkje unaturleg. Då var den 3,5 år, no er den 5,5 år og er blitt ein vaksen hannbjørn, seier Mysterud. Han trur bjørnen kan ha overvintra i området.
Har truleg overvintra
Bjørnen kan gå fleire kilometer på eit døgn, men Mysterud seier bjørnen kan ha overvintra i Jostedalen. Prøvar av hår eller ekskrement kan stadfeste dette.
LES OGSÅ:
- Den kan sjølvsagt ha gått tidleg ut av hiet i vår, men den har mest truleg ligge i fjella ein stad i vinter og er no ute i nærområdet og søkjer etter mat, seier han.
Vanskeleg søk
Statens Naturoppsyn har i dag prøvd å følgje spora etter bjørnen. Dei har også sett etter hårrestar og ekskrement. Rovviltkontakt Einar Fortun fortel om ei vanskeleg oppgåve.
LES OGSÅ:
- Vi har leita frå Nigardsbredalen mot Krundalen, men alle spora byrjar å bli gamle, seier han. Også Fortun trur at det er tale om ein vaksen bjørn.
- Bør jakte no
Bøndene i Jostedalen har allereie søkt om fellingsløyve på bjørnen. Fortun er samd i at no er den beste tida å jakte på den.
- Det er større sjanse å få felle den no når det er noko sporsnø, enn på sommaren når snøen er heilt vekke, seier han.
- Frykt ikkje bjørnen
Enkelte stader har bjørnen gått 200-400 meter frå busetnad. Sjølv om det er tale om ein svolten bjørn på jakt etter mat, seier Mysterud at ein ikkje treng å vere redd for bjørnen.
LES OGSÅ:
- Men ein skal sjølvsagt ikkje provosere ein bjørn som et, eller ei binne som er ute og tuslar med ungen sin, seier han.